أبيات سريعة لكي لا يكون بيننا فاصل
سرى بي الهوجاس والليل بارد..!!!=ودي بحضنٍ(ن)حيل مشتاق دافي..!!!
ودي بشوفة ماجدة بنت ماجد..!!!=بشكي لها حبٍ(ن)عن العين خافي..!!!
القلب ينزف شوق والفكر شارد..!!!=والجو هذا الليل ماهو بصافي..!!!
لو العرب ياكثرهم حيل واجد..!!!=لكن انا لي صاحبٍ(ن)غير وافي..!!!
هواه جوف الصدر مثل الرواعد..!!!=ساكن ببيت الروح ماهو مشافي..!!!
حبي لها شوقي كما النار واقد..!!!=لهيب نار ما تجيه المطافي..!!!
احلم بها وانا على الارض ساجد..!!!=واحلم بها والطرف بالنوم غافي..!!!
اضمها بالحلم بين السواعد..!!!=ومن الوله أقول ماهو بكافي..!!!
ماغير أنا وطيوف خلي شواهد..!!!=ياليتها عن برد ليلي لحافي..!!!
غرامها غدا لشعري موارد..!!!=تنهل منه قصائدي ما تعافي..!!!
لا والله الا صار للشعر مارد..!!!=تطرب له لحون الهوى والقوافي..!!!
سرى بي الهوجاس والليل بارد..!!!=ودي بحضنٍ(ن)حيل مشتاق دافي..!!!