أسعد الله أوقاتكم بالخير والمسرات
اليكم الأبيات بدون مقدمات
تعالي إسمعي مني كلامٍ(ن)قبل لا ننسا=قليل أشيا بنذكرها كثير علوم ناسينا
تعالي نرفع قناع االشكوك ونكشف اللبسا=نعالج جرحنا قدام لا الأيام تقسينا
تحديني على كيفك إذا جهزتي المرسا=وهبت عاصفة موج البحر وأزجت مراسينا
أنا كلي على شانك رهين عيونك الخرسا=ليا منا غرقنا والبحر بالموج كاسينا
نبي نغرق سوا فديتها لا غمضت نعسا=وننسى كل هم وغم وأوجاع ومأسينا
تعالي يا بعد كلي نغير حظنا النحسا=نبي نبني على موج البحر عرش لكراسينا
تعالي سَقي عروق الورود الذُبل اليبسا=ربيع الورد مقبل والهوى هز لرواسينا
تعالي أخرفي تمر العذوق ولمي الدبسا=وحييني بعد خيرك على نعمة تباسينا
تعالي نغرس عهود الغرام بجوفنا غرسا=ونسقيها مشاعرنا صباح وحين تمسينا
تراني منحمس سواة بنٍ(ن)منحمس حمسا=ليال طوال جرحي نازفٍ(ن)محدٍ يواسينا
تعالي عالجي جرحٍ(ن)فرسني يا غلا فرسا=تحديني على كيفك ليا هبت خماسينا
تعالي أسرجي لي خيلتي هالزينه الملسا=وبحتل الجزيرة كلها والشام مع سينا
بروضها على كيفي لكني فوقها مأقسا=وابقهر بها حساد ومعادي وخاسينا
تعالي إسمعي مني كلامٍ(ن)قبل لا ننسا=قليل أشيا بنذكرها كثير علوم ناسينا