طابت أوقاتكم
عيدتي لكم
سلمت لي يا مرسلٍ(ن)للهدايا=جتني بوقت العصر في ثاني العيد
عنوانها مني بحسن النوايا=عساك دوم بخير يا بن الأجـاويد
رحبت وأرسلت التهاني مسايا=وإن راد ربي للجزا لازم أزيد
عليك مني يا غرامي تحايا=والشكر مني والمودة وتمجيد
يا مترفة ما مثلك(ي)بالصبايا=عساك دوم بخير يا شمعة الغيد
ليتك بيوم العيد والله معايا=نهنا بلمتنا عسى عيدك سعيد
نروى من كفوف الغرام الندايا=نقهر عواذلنا وكل الحواسيد
ما عاد نشكي من بعاد ورزايا=نحيا بظل الحب من دون تنكيد
ما حولنا الا خدودك مرايا=اشوف فيها لهفتك حين ما تريد
نسهر سوا والشمع يضو الزوايا=نشرب زلال الري عذب المواريد
نصبح من الشهد المصفا روايا=نرتاح من طول انتظار المواعيد
نكشف بهمس الليل كل الخفايا=جوف الصدور اللي تلج التناهيد
نهدم جدار البعد قبل المنايا=ونعيش جو العشق من دون تحديد
نعتق حلومٍ(ن)بالليالي سبايا=تعيش حرة ما تعاني من القيد
نعيش باق العمر وأنتِ(ي)سمايا=يا تاج راسي في جميع المقاصيد
عساك سالم يا جزيل العطايا=أنته بوسط القلب لو تسكن بعيد
سلمت لي يا مرسلٍ(ن)للهدايا=جتني بوقت العصر في ثاني العيد