أسعدكم الله
...
تقول:داعش طامعٍ(ن)وإبتلانا=ما عاد نأمن فعلهم فعل فجـار
فجر مساجدنا وذبح ولانا=عليهم سقوف المساجد بتنهار
صرنا نخاف الموت وإحنا بدعانا=كل البلد بعيونهم صار كفار
قلت:أبشري بالعز ما جاك جانا=حنا معك واللي حصل هز الأقطار
من بحر جدة للقطيف وحسانا=حنا جنود الدار وأفين الأشبار
يا شين حظ اللي تدوسه خطانا=شرسين وقت الحرب ما نعطي إنذار
نزمي سواة الموج لا من نخانا=مثلك يابنت الطيب من منسب أخيار
والله ما تنهان يومٍ(ن)نسانا=تطمني لا يتعبك دمك الحار
الخير مقبل تونا مبتدانا=والله ما نحتج بظروف وأعذار
حقك وحق اللي لموته بكانا=نأخذه بأمر الله ولو صار ما صار
يابنت ياللي سترها من لحانا=لا تشتكين الخوف في دار الاحرار
تنعمي بالامن دوم بذرانا=ما يلحقك بأمر الولي شر الاشرار
عيشي حياتك بالهنا في حمانا=من شأن عينك ما يطولن الأعمار
نفداك بالارواح دونك يدانا=من دونك الاجساد قلعات واسوار
لاجلك ولاجل الدار نحرق عدانا=ثنتين ما تنهان حشمتك والدار
يا ويلهم لن كان دارت رحانا=والله ما نترك على الأرض ديار
نرخص لكم مادوننا ما ورانا=الموت يازينه ولا الذل والعار
هذا الذي فوقه ترانا ربانا=من يوم كنا أطفال نحفظه وكبار
نفعله دام الله لهذا هدانا=من مات ما يدخل بعد موته النار
شهيد بالجنة وهذا منانا=الفوز بالجنة مع الرسل وأبرار
وأقول:داعش لو بغا وإبتلانا=ما عاد يأمن فعلنا فعل فجار