صباح الخير يا صبحٍ(ن)تبرج=رمى شيلته عن وجهٍ(ن)صبوحي
سناء نوره بلا ميك وتمكيج=مثل برقٍ(ن)سرى نوضه يلوحي
سلب لبي وعيني به تفرج=أحس الدم بعروقي يفوحي
حلاته حين قابل ثم تهرج=وسلهم وإبتسم يا بعد روحي
جمع حسن العذارى ثم تغنج=نوى ذبحي بمنطوقٍ(ن)ذبوحي
كلامي إنحبس مدري تحرج=تلعثم منطقي وأربك فصوحي
أحس القلب بأعماقي ترجرج=وحار القلب بأسراري وبوحي
وهبه الروح والغالي تبلج=فرح يوم إنتصر وأدمى جروحي
ولد بنظرةٍ(ن)فيها تحجج=وقال الأن أنا مضطر أروحي
فقلت: الصدر ضايق قال:تفرج=تصبر قلت صبري زاد نوحي
أنا كنت أحسبك قادم تسَرْج=قناديل الفرح وأثرك شحوحي
تعذر بالظروف وقال مُزْعج=أخاف من الحكي والناس توحي
صرخت بداخلي صرخة مدغج=بحد الشلف من كف النصوحي
يا ويل الحال من حظٍ(ن)تعرج=فرحت بشوفته وأثره مزوحي
صباح الخير يا صبحٍ(ن)تبرج=رمى شيلته عن وجهٍ(ن)صبوحي