أسعد الله أوقاتكم بالخير والمسرات
الأبيات كيبودية لهذا المساء علها تروق لكم
درة قصائد عتابي فيك بكتبها=ودرة قصائد غرامي عنك ببعدها
وأغلى مشاعر بقلبي عنك بحجبها=مافيه داعي بعد ماصار أفندها
ماني براكب لموجة وأنت راكبها=ولاني بناظم قصائد وأنت منشدها
أعرف حقيقة مرادك كيف أكذبها=ما عاد يمديك تنكرها وتجحدها
بانت علاقتك لعلبه بي تلعبها=يا قانص الصيد طيرك وش فوايدها
اللعب بالنار يحرق من مشاهبها=والحر نادر بياقع في مصايدها
خابت تجاربك فيني يا مجربها=رميتك فلت وطاشت يا مسددها
ياما نصحتك وقلت:إحذر تخربها=حاذر من الناس وإصحا من توددها
أعميت عينك بيدك يا مطببها=ومن لا يصدر علومه لا يوردها
لو كنت ضامن نهايتها وحاسبها=ما كان روحك من الطيبة تجردها
لكن لعب بك غرور النفس مذهبها=لا أسعدت روحك ولا غيرك بتسعدها
ما تدري إن القلوب أفضل مناقبها=النيه الصافيه والفعل شاهدها
والعن وصوف القلوب أسوى مثالبها=لا صار لون القلوب الغالب أسودها
عرفت منهوغريب الناس وأقربها=وعرفت كل الظروف الزين وأنكدها
عرفت معنى غريب الدار وأغربها=وعرفت منهو ذكي بالناس وأبلدها
ودرة قصائد وداعي جيت موهبا=هديتي والهدايا من تفردها
تذكار للوقت والدنيا عجايبها=ما تنحصى لو بغيت اليوم أعددها