أسعدكم الله عدنا لكم بعد جولة في ربوع بلادي
اليكم هذه الصباحية
يا ريحة العطرة وياريحة الدوش=يا منعشه بالطيب جو المدينه
توه من البستان ماهو بمرشوش=اهل المزارع للبلد جالبينه
ماهو بلا بايت ولا هو بمغشوش=نقي مصفا توهم حاصدينه
شميتها والقلب للطيب مدهوش=وأنتي بعد يا طيبة تفتنينه
لن خالطك نعناع في داخل البوش=فنجال شاهي حلو ومعنعينه
ممدود من كفٍ(ن)على الحسن مقنوش=عليه رسمٍ(ن)زاد للزين زينه
يعدل صلف راسيٍ(ن)الى دار به بوش=والا غزاه من الهواجس لعينه
بيروق دم القلب لو كان مبلوش=ينزل عليه من السعادة سكينه