كل عام وأنتم جميعا بالف خير
عساكم من عواده
لا أدري هل أنا اسابق العيد لأكون عيدك
ام اسابق المهنئين لأهنيك بالعيد
كلاهما فرحة...واليكم الأبيات
يا أغلى من الغالين في قلب مغليك=وأحلى بشر شافته بالعمر عيني
كل ماغلي يرخص لعينك وأياديك=ما به محال يحول بينك وبيني
حشمة وعهد وحب خلتني أجيك=أعايدك فالعيد وتعايديني
جئيتك أسابق للمهنين أهنيك=ينعاد عيدك مقبلات السنيني
مبروك عيد الفطر ربي يخليك=يا قرة عيوني وتاج الجبيني
قلبي نهار العيد يفرح بطاريك=أشياء كثيرة تعلن العيد فيني
روحي وشعري والمشاعر تهاديك=أسمى عبارات الفرح يا ضنيني
يا فرحة أعيادي بكلك وما فيك=شوفتك عيدي يابعد كل زيني
هديتك بالعيد قلبي وابعطيك=فوقه حياتي أطلبي وأمريني
اللي تبينه أبشري به وياتيك=الصعب مهما كان لأجلك يليني
تدللي وبقدرة الله لأرضيك=العيد فرحة غايتي تفرحيني
وأنا وكل اللي ملكته بيفديك=يا فرحة أيامي بدنيا وديني
الله من عيون المخاليق يحميك=يحفظك ربي من حسد حاسديني
يا علني يا وردة العيد ما أبكيك=ياعطر عيدي بالشذا عطريني
الله يسقي بالسحائب مرابيك=أذكرك وأنتي كل عيد أذكريني
يا أغلى من الغالين في قلب مغليك=وأحلى بشر شافته بالعمر عيني