أسعدكم الله
اليكم الأبيات بدون مقدمات
لبيه ياللي مهتوي للقصائد....=احلى القصائد تنكتب لأجل عيناك...
ليتك قريَّب ما حدتك البعايد...=وامد يمنايه تصافح ليمناك...
انظم على شانك قصائد فرايد...=وأقول لك يا زين حنا هويناك...
الشعر والاحساس والشوق زايد...=لكن حسافة دونك البعد يحداك...
مقدر أجيلك لو انا حيل رايد....=ورغم المسافة يا اريش العين ما انساك...
حطيت لك بالصدر قلبي وسايد...=نام بفؤادي يالغضي لا عدمناك...
يحماك عن ضيق الزمن والنكايد...=قلبي وكلي ياهوى البال تفداك...
لا تشتكي من جور وإلا شدايد...=دام الفكر والقلب والعين تحماك...
هات الهموم وخذ قصيدي قلايد...=حلاك يزهى الشعر والشعر يزهاك...
يا عيد عشقي ذا قصيدي يعايد...=القلب ينبض بالغرام يتمناك...
ماني بقناصٍ(ن)ويطرد طرايد...=قصائدي ولهى تدور على رضاك...
ترقص طرب في حضرتك بالجدايد...=من شأن ترسم بسمة الحُسن بشفاك...
لبيه ياللي مهتوي للقصائد....=احلى القصائد تنكتب لأجل عيناك...