يا مشغلي ماعدت للصبر بقدر=الصبر ما حقق من أحلامنا شي
هواك فيني للمعاليق ينخر=كنه يهشم في ضلوحي وأنا حي
الى متى يا ناعس الطرف بصبر=الشوق كاوي خافقي بالهوى كي
العمر يركض والأماني تكسر=والحال أشوفه صار من سي في سي
أحلامنا تصغر والأعمار تقصر=ما بين ليت وعل ضيعني الغي
ودي بقربك لو ساعة من العمر=لكن يا ويلاه ما طلت للري
إلا هموم العشق واليأس والقهر=اللي لوتني يا هوى لي
لين الأمل من داخل أعماقنا فر=ما باقي إلا ونةٍ(ن)في تعوي
تعول عويل اللي غواليه تقبر=جفت عيونه ما بقي جوفها مي
جار الزمن والحظ مثله تجبر=أحلامنا ما عاد تلقى لها فيً
أمالنا تصغر والأوجاع تكبر=والعمر راح أحسنه ياشمعة الضي
يا مشغلي ماعدت للصبر بقدر=الصبر ما حقق من أحلامنا شي