أسعد الله أوقاتكم بكل خير
حصاد أخر الليل هذه الأبيات علها تروق لكم
ياليل كافي هم ياليل ياليل=همٍ(ن)تجيني به وهمٍ(ن)سرى بي
من مغربي للصبح ساهر مع سهيل=ما أحدٍ(ن)يسامرني ولا أحدٍ(ن)درى بي
إلا جروحٍ(ن)بالحشا منها ويل=يا ويل حالي منها يا عذابي
مشاعري تدهف مثل مدهف السيل=هاجس يغادرني وهاجس ضوى بي
أحفيت عيني من عناق المناديل=رمشي من جيوش المناديل شابي
كن الهموم تمر بي طير أبابيل=ترمي حشاي وما أحد عارف مصابي
ترمي حلوم العمر بحجار سجيل=فقدت منها يا زماني صوابي
حظي فعل بي مثل ما صار بالفيل=خرت قوامه فوق رمل الترابي
وضع بدربي عن مرامي عراقيل=ما عاد يهناني طعام وشرابي
من عقب ناد اللي له الخافق يميل=صفوا الليالي من خراب لخرابي
من يوم قلَّت من طرفه المراسيل=الصدر صاير في حشاه التهابي
رحت الطبيب وقلت:حلحيل يا حليل=بالصدر نغزٍ(ن)مثل طعن الجنابي
تكفا تعالج قلب حافه بهاذيل=وأعطيك كل اللي تبي بالمخابي
قال:أنت صادق قلت:ماشيء تبديل=هات العلاج وشوف كم هو حسابي
عجز الطبيب وحيرته التحاليل=قال:أنت صدرك يا بن الأجواد طابي
نتائج التشخيص فيها تفاصيل=ما بان شيء وعلتك بإكتيابي
نفسيتك تحتاج ياشيخ ترتيل=من محكماتٍ(ن)وارده بالكتابي
وإن كان ما أجدت غربلتك الغرابيل=الله يعينك يا عزيز الجنابي
دكتور لا تتعب من الحط والشيل=أنا علاجي ناقشه للخضابي
الحب علة مهلكة للرياجيل=ومنهو عشق له شامخة ما يعابي
من شأنها نظمت شعر ومواويل=وأتعبت قلبي بالهوى والتصابي
والله يعلم بالليال المقابيل=هي بيض وإلا مثل ريش الغرابي
ياليل كافي هم ياليل ياليل=همٍ(ن)تجيني به وهمٍ(ن)سرى بي