أسعدكم الله بكل مكان و زمان
اليكم الأبيات
بعض البشر نعط البشاير لشوفته...=وبعض البشر نعط البشاير لفرقاه...
والصاحب الصادق تبينه وقفته...=لا من جبرنا لازمٍ(ن)ثم نخيناه...
ترجح على كل الموازين كفته...=ما يذخر المجهود باللي طلبناه...
وقت اللزوم يزوم تشعر بلهفته...=عسى شيوخ المال والمال تفداه...
متميزٍ(ن)بالطيب ما بين صفته...=في كل ماقف لا بغيناه نلقاه...
عواصف الأيام ماقط دفته...=راسي سواة طويق ما كب مرساه...
تخف الرزايا وعمرها ما استخفته...=عقل وثقل والجود من فيض يمناه...
هذا الذي ترفع لراسي معرفته...=اكسب لوقفاته وبكسب مزاياه...
ماني مرافق من تميزه خفته...=اللي بوقت الماقف يدير علباه...
هذاك ما نعط البشاير لشوفته...=ماهو غنيمة والسلامة بفرقاه...