الليلة الهاجس من الشوق مبهوت=والقلب خلف العوج يا شوقي أرعد
ياللي قصيدي فيك ما عاده بيوت=كل عام فيك أكتب دواوين وأقصد
أذكرك في لجات والعالم سكوت=طيفك يهمس بمسمعي صافي الود
وأذكرك صبح وليل والحب مكبوت=خلف الضلوع اللي تحرق من الوجد
مشتاق للتفاح والخوخ والتوت=ثلاث فيك احلى طعمها من الشهد
ثلاث تمنع نار الأشواق ما تموت=شفايفك والصدر ومورد الخد
هذي لقلبي قوت يا كامل القوت=وكلك حلا يا زامي الردف والنهد
يا فل يا ريحان يا شبه بسكوت=يا دهن عود ومسك ياريحة الورد
يالمأس يا لؤلؤ زمرد وياقوت=يا من حويت الحسن كله بلا حد
خذيت قلبي والمشاعر على النوت=وأنا أتضوى شوق وأخشى من الغد
خايف يضيع العمر وسنينه تفوت=واللي يروح من العمر صعب ينرد
حكم الزمن يا فاتني للبشر حوت=مالي ولا لك فيه يا منيتي يد
العمر حكمه فوق الأحلام طاغوت=لا من نفذ ما عاد بالجهد ينصد
وأنا أشهد إن الوقت للعمر ساحوت=اللي يحذفه خلف ما فاله السعد
لكن فداك العمر والحلم تابوت=يفداك ما هو فات واللي بقي بعد
لو كان دمي لأجل عيناك مكتوت=لقول فدوة ناعم العود والقد
الليلة الهاجس من الشوق مبهوت=والقلب خلف العوج يا شوقي أرعد