طولنا الغيبة
لكن يقولوا من طول الغيبات جاب......
تجمل تجمل يالغلا كمل المعروف=وكمل علاجك كان ودك تداويني
تراني على لقياك يا فاتني ملهوف=تساورني الأحلام أشوفك بعيني
ياليت العيون اللي تمناك يوم تشوف=مفاتنك ياللي ساحرٍ(ن)كل ما فيني
سحرت الفكر والروح يالجادل المهيوف=لكن البعد والبين والهجر يكويني
بعد كنت عاقل صرت في ودكم مشعوف=أحس بصدى صوتك وطيفك يناديني
أسرني غرامك صرت في دنيتك مكتوف=حبيبي تجمل يمكن دواك يشفيني
ترى غيركم بالناس من بعدكم معيوف=وحب(ن)حسبته حب ماعاد يعنيني
أنا ما عرفت الحب ياضامر السرجوف=قبل ما هواك يهزني في شراييني
عرفت إن ودك غير تسوى مياة الوف=من البيض ياسيد الحسن والمزاييني
تبا الصدق من يهواك حبه ترى مخلوف=وهذا خياري مشتري خل شاريني