كثير من البشر بل كل البشر خطاؤن
وخير الخطائين التوابون
هذه الأبيات تعبيرا عن هذه الظاهرة البشرية
تلامس الواقع البشري من خلال الخيال الشعري
وخير الناس من عرف خطأ نفسه وعاد للصواب وكما قيل الإعتراف بالخطأ فضيلة
فكن أخي أختي ممن يعترف بخطاه ويقدم إعتذاره وإستغفاره
علها تروق لكم
يا خسارة كيف أجازف وأرمي بروحي وأغامر=ليش هنت الروح وأرخصت النباهة والوقاره
ليتني ما كان بينت لك مكنون المشاعر=مير غرتني ظنوني والهواجس يا خساره
إندفعت بدون مدري لين طبيت المخاطر=لحظةٍ(ن)نسيت فيها كل معقول وشطاره
إنجرح حسي وكن القلب تطعنه الخناجر=وإنقلب شهد الحلوم وصار حاليها مراره
الكلام ليا تعدا للصدور وللحناجر=كالسلاح ليا انطلق لابد تسمع لإنفجاره
إن حكمته قبل يطلع جاك مردوده ثوامر=وإن رخيت له العنان حصان يجمح في غباره
آه يا كبر الغلط لا جاك من رجال شاطر=غلطة الشاطر بعشر وتنحسب فوقه حقاره
والمصيبة كان جاتك غلطةٍ(ن)من شيخ شاعر=الغلط اسمه غلط لو كان من حاكم وأماره
إعترافي بالخطأ مني شجاعة بالمنابر=إعتذاري عن غلط روحي طريقي للطهاره
المقدر لازم يصيبك ولو منه تحاذر=السيول من القطر والنار بأولها شراره