الشاعر وصل الشهيب
هامة من هامات الشعر الشامخة
حبيت أستفز شاعريته وإلا أنا ماني بشاعر
عسى الله يجينا بالمطر عشان نهديهم البلح ويجزونا بالرمان
يارفيقي يا وصل=ياشريكي بالأصل
فصلنا وش من فصل=بالفصول الأربعه
ياشويري ياسبيع=هو شتاء وإلا ربيع
نشتري وإلا نبيع=بالفصول الأربعه
كان ياما كان كان=كان عزٍ(ن)وإستكان
ما بقا غير المكان=بالفصول الأربعه
أجمل العمر إنقضا=والأمر وصل القضا
مااحد يمنع للقضا=بالفصول الأربعه
ياوصل ياكم راح=وكم باقي بالمراح
في خفا وإلا براح=بالفصول الأربعه
يا وصل منهو خبر=من الحجاز إلى الخبر
كل يوم أسمع خبر=بالفصول الأربعه
السماء فيها رعود=عود يطلع منه عود
راح عود وجاك عود=بالفصول الأربعه