binhlailبن هليــل
25-07-2009, 09:48 PM
السلام عليكم ورحمة الله وبركاته
الأبيات كما جات بدون مقدمات
علها تروق لكم
قسم بمن هو منزل الكاف والنون=إنك حبيب الروح لا جات للجد
يهون كل الناس والا أنت ماتهون=بعد سكنت الروح سكنى بلا حد
أمانة الله يا بعد كل مضنون=لا تنحرين القلب بالهجر والصد
ترفقي به بعد ما صار مرهون=يرقب حضورك أمس واليوم والغد
يامن سلبت الروح والفكر بلهون=إرفق بحالي هدني قاسي الوجد
إرحم بحال اللي غدا فيك مفتون=بين الرجا والياس فكره مشرد
كل يوم حالي دون في دون في دون=وأخاف ياتي يوم والحيل ينهد
وليا تقافت زين الأيام وشلون=يا قدرة الله ضعت ما عاد بنرد
أنا دخيل عيونك النجل والنون=وأنا دخيل الخشم والراس والخد
وأنا دخيل العود والشعر واللون=وأنا دخيل المبسم الزين والقد
تعال وأنقذني بعد صرت مرهون=تلعب بي الأمواج والجزر والمد
تعال هات يديك وأقول ممنون=قصر مشاوير العنا كافي الطرد
كافيني اللي فات وآهات وشجون=ولاني بداري يا غلا ما بقا بعد
تعال يغلا من سكن واسع الكون=بدل همومي فرح والحزن بالسعد
تعال لملم ما بقا وأنت بتمون=رش العطور وبخر الجو بالند
أشعل عقود الفرح كرمان لعيون=أفرش لوجه الأرض بالفل والورد
خل الفروح تحل والناس يدرون=بكيد عذالي وناس(ن)مقرد
قسم بمن هو منزل الكاف والنون=هذي مطاليبي وأنا منتظر رد
الأبيات كما جات بدون مقدمات
علها تروق لكم
قسم بمن هو منزل الكاف والنون=إنك حبيب الروح لا جات للجد
يهون كل الناس والا أنت ماتهون=بعد سكنت الروح سكنى بلا حد
أمانة الله يا بعد كل مضنون=لا تنحرين القلب بالهجر والصد
ترفقي به بعد ما صار مرهون=يرقب حضورك أمس واليوم والغد
يامن سلبت الروح والفكر بلهون=إرفق بحالي هدني قاسي الوجد
إرحم بحال اللي غدا فيك مفتون=بين الرجا والياس فكره مشرد
كل يوم حالي دون في دون في دون=وأخاف ياتي يوم والحيل ينهد
وليا تقافت زين الأيام وشلون=يا قدرة الله ضعت ما عاد بنرد
أنا دخيل عيونك النجل والنون=وأنا دخيل الخشم والراس والخد
وأنا دخيل العود والشعر واللون=وأنا دخيل المبسم الزين والقد
تعال وأنقذني بعد صرت مرهون=تلعب بي الأمواج والجزر والمد
تعال هات يديك وأقول ممنون=قصر مشاوير العنا كافي الطرد
كافيني اللي فات وآهات وشجون=ولاني بداري يا غلا ما بقا بعد
تعال يغلا من سكن واسع الكون=بدل همومي فرح والحزن بالسعد
تعال لملم ما بقا وأنت بتمون=رش العطور وبخر الجو بالند
أشعل عقود الفرح كرمان لعيون=أفرش لوجه الأرض بالفل والورد
خل الفروح تحل والناس يدرون=بكيد عذالي وناس(ن)مقرد
قسم بمن هو منزل الكاف والنون=هذي مطاليبي وأنا منتظر رد