صقـر عتيبـة
08-01-2010, 11:43 PM
محاورة بين شاعرين كبيرين هماً
1 ) بن هليل
2 ) راع الصدق
في يوم الجمعة
بتاريخ 22 / 1 / 1431 هــ
بن هليل
يا مرحبا رحب ما خصه ولا حده بالعزوه اللي قريب ونازح الديره=من هاجس(ن)يازن المعنى على كيفه وإن جالنا معتدي والله مانهابه
السيف بالكف وقت الحد بنحده للخصم والا على ربعي فلا ديره=واللي يقصر يترحيبه على كيفه وقت النهايب لك الله يغدي نهابه
راع الصدق
دام البقا يا وفي(ن) يوفي المده بالشاعر اللي على الهاجس نقر زيره = من فارس(ن) فالمواقف نومسه سيفه اللي بوقت الشدايد بان مضرابه
من دار سيفه على ربعه وجب مده لله مايجرع الما من برد زيره = وان هاج موج البحر ما احدن قرب سيفه واللاش لو هو ضري بالخبث مااضرى به
بن هليل
طال العمر والبحر ياصاحبي عده لا تقرب الموج وإحذر من محاذيره=يا شاعر(ن)بالبحر تغرف مغاريفه مثل الزلامي ليا لالى على حرابه
والتاجر اللي غلط في سلمه وعده كيف البصيره بعد قافي محا ذيره=طاح المطر يابدو منهو بغا ريفه زان الحيا والمطوع جوف محرابه
راع الصدق
سبحت فالبحر وانا للبحر قده سباح ماهر ولا تفجع بوابيره=والحوت في غبته عندي مخاطيفه رجل جري فالمجابه مااحسب حسابه
ياراعي العلم لاجبت الخبر قده نعرف بني الحارث ووادي بوا بيره=والبرد ركب ودور له معاطيفه والادمي عند ربه ياجد حسابه
بن هليل
الرجل معروف من فكره ومن سده والسمن معروف لو يخلط على غيره=ومن خش في داخله ظنه على خيفه أقل شيء من الظنات يدرى به
لا تعترض سيل طافح من ورا سده لا تقرب ثعول نون جاتك مغيره=ومن حج وأمسى منى لا مر مع خيفه العج فوقه ترى محد(ن)بيدرا به
راع الصدق
ترى الجمل لو تعصوى يطرح العده ويصير جماله من الهم في حيره = والصقر معروف ماتجهل تواصيفه والرجل معروف لو هو يفتل اشنابه
هذا كلام (ن) وعده ياولد عده واالي نزل حيرته يعرف هوى الحيره=والنجم ابو برد قفا وابتدى صيفه واللي شنا ربعته لابد نشنابه
بن هليل
بنشدك يا صاحبي والعلم لي وده قس النصارى هجر داره على ديره=ما عاد ينشد ولا شفنا لهم شيفه مدري وش اللي حداه ويش وصى به
واللي يودك وجب تقديره توده ومن دار لك القفا مقفاك له ديره=والزاد معروف من نوعه ومن شيفه وليا توصى بكم بالله توصى به
راع الصدق
ياجعلها روحة مقيط(ن) بلارده وش ترتجي من جحا والا مساميره=والعمله الصاحيه ماهي كما الزيفه لوحولها حال ماواحد تزكابه
ياكبر هرجتك هذي ياولد رده مااجهلك ياليل لوكثرت مساميره=والزوف فالكبد يورث قلبه وزيفه ياضلع نعرف مغاراته مع زكابه
بن هليل
ودي احمل بعير البدو وأشده كرمان لعيون مستورة على منيره=وعقولنا صاحيه وقلوبنا نظيفه والبيت عان الجرس محطوط في بابه
دام الحبل قاضبه برخيه وأشده والنور ما ينطفي والكهرب منيره= من ضافنا لا دعانا لازم نضيفه والرجل فيه الشبه من عمه وبابه
راع الصدق
دام مخطوم ووسومه على خده اضمن انه برك مايقضم الشيره=عاف زاده وعذر في مواليفه ولايفز ان لمس عرقوب ركابه
مير ياطارد الضبان مع خده كان شاورت حذرا تترك الشيره=جسم الانسان يعرف حكة الليفه لو الانسان فوق الجسم ركابه
بن هليل
سمعتك تقول هذا صاحبي بده نبا نحكه ونعرف كيف تفكيره=والعلم مثل الذهب لا زان تصريفه والصقر يشلع بمنقاره ومخلابه
أنا أعرف الرجل وأعرف ساسه وبده وأعرف قليل الأصل منفاخه وكيره=هذي حقيقه ولاهي بس تصريفه بعض البشر مخه يعادل لمخ لابه
1 ) بن هليل
2 ) راع الصدق
في يوم الجمعة
بتاريخ 22 / 1 / 1431 هــ
بن هليل
يا مرحبا رحب ما خصه ولا حده بالعزوه اللي قريب ونازح الديره=من هاجس(ن)يازن المعنى على كيفه وإن جالنا معتدي والله مانهابه
السيف بالكف وقت الحد بنحده للخصم والا على ربعي فلا ديره=واللي يقصر يترحيبه على كيفه وقت النهايب لك الله يغدي نهابه
راع الصدق
دام البقا يا وفي(ن) يوفي المده بالشاعر اللي على الهاجس نقر زيره = من فارس(ن) فالمواقف نومسه سيفه اللي بوقت الشدايد بان مضرابه
من دار سيفه على ربعه وجب مده لله مايجرع الما من برد زيره = وان هاج موج البحر ما احدن قرب سيفه واللاش لو هو ضري بالخبث مااضرى به
بن هليل
طال العمر والبحر ياصاحبي عده لا تقرب الموج وإحذر من محاذيره=يا شاعر(ن)بالبحر تغرف مغاريفه مثل الزلامي ليا لالى على حرابه
والتاجر اللي غلط في سلمه وعده كيف البصيره بعد قافي محا ذيره=طاح المطر يابدو منهو بغا ريفه زان الحيا والمطوع جوف محرابه
راع الصدق
سبحت فالبحر وانا للبحر قده سباح ماهر ولا تفجع بوابيره=والحوت في غبته عندي مخاطيفه رجل جري فالمجابه مااحسب حسابه
ياراعي العلم لاجبت الخبر قده نعرف بني الحارث ووادي بوا بيره=والبرد ركب ودور له معاطيفه والادمي عند ربه ياجد حسابه
بن هليل
الرجل معروف من فكره ومن سده والسمن معروف لو يخلط على غيره=ومن خش في داخله ظنه على خيفه أقل شيء من الظنات يدرى به
لا تعترض سيل طافح من ورا سده لا تقرب ثعول نون جاتك مغيره=ومن حج وأمسى منى لا مر مع خيفه العج فوقه ترى محد(ن)بيدرا به
راع الصدق
ترى الجمل لو تعصوى يطرح العده ويصير جماله من الهم في حيره = والصقر معروف ماتجهل تواصيفه والرجل معروف لو هو يفتل اشنابه
هذا كلام (ن) وعده ياولد عده واالي نزل حيرته يعرف هوى الحيره=والنجم ابو برد قفا وابتدى صيفه واللي شنا ربعته لابد نشنابه
بن هليل
بنشدك يا صاحبي والعلم لي وده قس النصارى هجر داره على ديره=ما عاد ينشد ولا شفنا لهم شيفه مدري وش اللي حداه ويش وصى به
واللي يودك وجب تقديره توده ومن دار لك القفا مقفاك له ديره=والزاد معروف من نوعه ومن شيفه وليا توصى بكم بالله توصى به
راع الصدق
ياجعلها روحة مقيط(ن) بلارده وش ترتجي من جحا والا مساميره=والعمله الصاحيه ماهي كما الزيفه لوحولها حال ماواحد تزكابه
ياكبر هرجتك هذي ياولد رده مااجهلك ياليل لوكثرت مساميره=والزوف فالكبد يورث قلبه وزيفه ياضلع نعرف مغاراته مع زكابه
بن هليل
ودي احمل بعير البدو وأشده كرمان لعيون مستورة على منيره=وعقولنا صاحيه وقلوبنا نظيفه والبيت عان الجرس محطوط في بابه
دام الحبل قاضبه برخيه وأشده والنور ما ينطفي والكهرب منيره= من ضافنا لا دعانا لازم نضيفه والرجل فيه الشبه من عمه وبابه
راع الصدق
دام مخطوم ووسومه على خده اضمن انه برك مايقضم الشيره=عاف زاده وعذر في مواليفه ولايفز ان لمس عرقوب ركابه
مير ياطارد الضبان مع خده كان شاورت حذرا تترك الشيره=جسم الانسان يعرف حكة الليفه لو الانسان فوق الجسم ركابه
بن هليل
سمعتك تقول هذا صاحبي بده نبا نحكه ونعرف كيف تفكيره=والعلم مثل الذهب لا زان تصريفه والصقر يشلع بمنقاره ومخلابه
أنا أعرف الرجل وأعرف ساسه وبده وأعرف قليل الأصل منفاخه وكيره=هذي حقيقه ولاهي بس تصريفه بعض البشر مخه يعادل لمخ لابه