binhlailبن هليــل
05-12-2010, 11:20 AM
للتواصل تخاريف شاعر
ليس لها صلة بواقع علها تروق لكم
جيتك وانا كلي من الشوق ملتاع=لقيت باب الشوق بالصد مصكوك
دقيت لين براسي أحس بصداع=وأيقنت هذا الباب ماهو بمفكوك
صفقت كف بكف وإبهام بصباع=بعد الرزانة صرت تايه ومربوك
مدري متى بلقاك ياحلو الأطباع=وأسمع هلا لا قالها يا غلا فوك
يا ريحة الياسمين والورد لا ذاع=ياحظ ناسٍ(ن)ياأطيب الريح شموك
يازبد لا حس الدفا بالوعا ماع=يا بلسم جروح لمخاليق حبوك
الا أنا من دونك الحظ قطاع=وأنا الوحيد اللي لحضرتك مملوك
كل ما أتقرب منك تبعد مية باع=ما كني اللي فيك ميت ومهلوك
قلبي شراك بصادق الود ما باع=وقلبك تعلق في مخاليق باعوك
تتبع سراب الشوق لين الهوى ضاع=في عالم الأوهام والزيف محبوك
تهت بفجاج الطيش ودروبه وساع=غرك غرورك الف مليار مبروك
ضيعت نفسك حين غرتك الأطماع=ما تدري إن الورد من دونه الشوك
لو كنت مثلي دارس لكل الأوضاع=كل ما أتقدم خطوةٍ(ن)قلت لي:دوك
يازينها لا حب ملتاع ملتاع=ولا حال بين أشواقهم باب مصكوك
ليس لها صلة بواقع علها تروق لكم
جيتك وانا كلي من الشوق ملتاع=لقيت باب الشوق بالصد مصكوك
دقيت لين براسي أحس بصداع=وأيقنت هذا الباب ماهو بمفكوك
صفقت كف بكف وإبهام بصباع=بعد الرزانة صرت تايه ومربوك
مدري متى بلقاك ياحلو الأطباع=وأسمع هلا لا قالها يا غلا فوك
يا ريحة الياسمين والورد لا ذاع=ياحظ ناسٍ(ن)ياأطيب الريح شموك
يازبد لا حس الدفا بالوعا ماع=يا بلسم جروح لمخاليق حبوك
الا أنا من دونك الحظ قطاع=وأنا الوحيد اللي لحضرتك مملوك
كل ما أتقرب منك تبعد مية باع=ما كني اللي فيك ميت ومهلوك
قلبي شراك بصادق الود ما باع=وقلبك تعلق في مخاليق باعوك
تتبع سراب الشوق لين الهوى ضاع=في عالم الأوهام والزيف محبوك
تهت بفجاج الطيش ودروبه وساع=غرك غرورك الف مليار مبروك
ضيعت نفسك حين غرتك الأطماع=ما تدري إن الورد من دونه الشوك
لو كنت مثلي دارس لكل الأوضاع=كل ما أتقدم خطوةٍ(ن)قلت لي:دوك
يازينها لا حب ملتاع ملتاع=ولا حال بين أشواقهم باب مصكوك