ياحسني مبارك ترى ماعاد بالمجـلاس فـود


انحش قبل تاطـاك بقعـا يالخبـل برجولهـا


ان طعتني حددر علي وارتاح بديـار الفهـود


سنين ياحسني ومصر تلقمـك مـن فوولهـا


حــــــســـــــنـــــــي


خــــــلــــــوووهـــــــا


يابن علي سنيت سنه جعـل عرفـك مايعـود


عقبك مجانين العرب قامـت تطـق طبولهـا


يومك تلقيت الخلا لا تحسب ان حسني شرود


بتشوف لك فعـلاً يقـص ايمانهـا وذيولهـا


زيــــــــــــــــــــــن


خــــــلــــــووووهــــــا


انا رفيقك خابرك لامن احتمى الموقف تحـود


ماينفعك لو قامـت احزابـك تعـن خيولهـا


قبلك تحزمت الحزام وسقت للشعـب الجنـود


يومين والثالث..علي ضاقة وسـاع سهولهـا


حــــــســـــــنـــــــي


خــــــلــــــووووهــــــا


بهوش دام ان الشجاعه ورث من ورث الجدود


امـا نمـوت بدارنـا.. ولا نعـدل ميولـهـا


والله لا اجيك ان تكبر الضيفه وتزداد الحشود


ويجيك مـع لبنان..زيديهـا يسابـق زولهـا


زيــــــــــــــــــــــن


خــــــلـــــــووهـــــــا


ترى الخطا ياحسني مبارك مساميـر الكبـود


وهـذي عواقبهـا علينـا تـدرج بحمولهـا


شد الرحال وطيعنـي تـراك منتـه بمعقـود


تبغى القياده..والله انك رحت منتـب حولهـا


حــــــســـــــنـــــــي


خــــــلــــــوووهـــــــا


ماعاد نبغاها طمع يا عـل تطمعهـا اليهـود


نبغى الستيره لين برضانا ياشيـن ..نقولهـا


يابن علي مامنك زود انا اشهد ان مامنك زود


هوّنتها وهي من اول عرضهـا فـي طولهـا




ـــــــــــــــــــــــــــــــــــــ منقول الشاعر سعود الدوسري

يعطيك الف عافية



لك التقدير

صحت القوافي



تقبلي التقدير

محاورة مميزه وراقيه

ولا زلنا مستمرين في مسابقة

الروؤسائ الشعريه لنل لقاء

الفتره القادمه في محاورة بين القذافي

ولم يتحدد الطرف الثاني يمكن يكون صالح

لك التحيه

محاوره فيها الواقع والحاضر بصدق
ويبدو سوف تستمر الى صالح وبعدها تتعدى الى
دول اخرى والحبل على الجرار

مشكوووره على النقل

محاوره مميزه صح الله لسااااااااااااانك شاعرها

تقبل تحياااااااااااااااتي الخاااااااااااااااااصة

يعطيك العافية
شكرا لك شكرا