أبيات أرسلها لي صديق لا أدري هي له والا لغيره

ورديت عليها برد متواضع

علها تروق لكم

يقول:

سلام ياللي طيب راسك يقديك =على المراجل والوفا والشهامه
ياخوي من هو حزة الضيق ناصيك= يافزعته ياعزوته ياحزامه
عرفك غناه يحوشها من يخاويك= يوم الردي عرفه عيوب وملامه
من لايقول ونعم لامر طاريك= انشهد انه عايش" في ندامه
افخر بمن مثلك واقدرك واغليك= ويبلغك قلبي جزيل احترامه

ردي عليه أقول:

اهلا هلا حييت والله يحييك=والله ما نذخر لمثك كرامه
يامرحبا ياللي جميلة مباديك=راع العلوم الطيبة والقرامه
اللي نصيته لا نخيته بيفديك=أبشر بعزك والهنا والسلامه
والا الردي ماهو مقدر ملافيك=يدس راسه مثل راس النعامه
قالوا قبل الذيب ما يصحب الديك=والحر مايشبه لفرخ الحمامه

جميل ما ارسله صح لسانه


والاجمل ردك صح لسان



تقبل مروري والتحية

صح لسانك للرضا



ابيات رائعة من الطرفين

يا سلام



ابيات راقية من الطرفين


للك دركما

صح لسانك




كعادتك مميز فيما تدون

صح لسانك ولسان من قال الابيات المرسلة اليك




روعة

مبدا طيب ورد اطيب بارك الله فيكما وفي ردكما لكم تقديري واحترامي