binhlailبن هليــل
23-12-2011, 06:21 PM
الأبيــــــــات كالمعتاد بدون مقدمات
غريبة تذبحين الطيب في مهده بلا داعي=وانا اللي جيتك بكلي بلا غصب(ن)ولا مجبور
على بحرك رفعت لمركبي وأحلامي شراعي=وساقتها رياح الشوق في ليلٍ(ن)جفاه النور
أراقب طلعه لصبحك يخفف جاير أوجاعي=أمنى روحي الولهى بشوفك يا شبيه الحور
لكن الله كتب لي ميتةٍ(ن)ما جاء لها ناعي=على يدك نحرت الروح يا حلمي بدون شعور
دفنت بكلمتةٍ(ن)منك لصيفي قبل مرباعي=خسارة كيف ترخصني بلحظة طيش يامغرور
بأمان الله وتلقا خير أنا مأشري لمن باعي=عسى الله يسعدك ماني رماد لجمرك المسعور
توقف عاصف رياحي وحان اليوم مرجاعي=بعد خونتني بحط من دونك دير وبحور
بريح خاطرك وأرتاح والمرسول والساعي=قبل تغلط على أكثر وتجبرني على المحظور
أنا ماني من اللي بالأمر يرضخ وينصاعي=ولاني طالب الإحسان تعطيني من الميسور
أنا ياصاحبي معروف سبعٍ(ن)مذخر سباعي=لو إنك يارفيق الدرب وافي ما عليك قصور
على روس الشوامخ منزلي مأطب للقاعي=وهذا منزلي من عدة قرونٍ(ن)مضت وعصور
لكني بقصر المشوار وأقطع درب لنزاعي=أنا بروح في حالي وروح وخاطرك مسرور
والك مني عهد لأحتجت بالايام مفزاعي=بتلقاني على يمناك في عسر الزمن ويسور
غريبة تذبحين الطيب في مهده بلا داعي=وانا اللي جيتك بكلي بلا غصب(ن)ولا مجبور
على بحرك رفعت لمركبي وأحلامي شراعي=وساقتها رياح الشوق في ليلٍ(ن)جفاه النور
أراقب طلعه لصبحك يخفف جاير أوجاعي=أمنى روحي الولهى بشوفك يا شبيه الحور
لكن الله كتب لي ميتةٍ(ن)ما جاء لها ناعي=على يدك نحرت الروح يا حلمي بدون شعور
دفنت بكلمتةٍ(ن)منك لصيفي قبل مرباعي=خسارة كيف ترخصني بلحظة طيش يامغرور
بأمان الله وتلقا خير أنا مأشري لمن باعي=عسى الله يسعدك ماني رماد لجمرك المسعور
توقف عاصف رياحي وحان اليوم مرجاعي=بعد خونتني بحط من دونك دير وبحور
بريح خاطرك وأرتاح والمرسول والساعي=قبل تغلط على أكثر وتجبرني على المحظور
أنا ماني من اللي بالأمر يرضخ وينصاعي=ولاني طالب الإحسان تعطيني من الميسور
أنا ياصاحبي معروف سبعٍ(ن)مذخر سباعي=لو إنك يارفيق الدرب وافي ما عليك قصور
على روس الشوامخ منزلي مأطب للقاعي=وهذا منزلي من عدة قرونٍ(ن)مضت وعصور
لكني بقصر المشوار وأقطع درب لنزاعي=أنا بروح في حالي وروح وخاطرك مسرور
والك مني عهد لأحتجت بالايام مفزاعي=بتلقاني على يمناك في عسر الزمن ويسور