قصيده متواضعه أصافح ذايقتكم بها..تقبلوها مع وافر التقدير

حنّا بعالم يامكافي شرّه=كنّا/وحنّا..والزمان إعجوبه
ماعاد نلقاء للحقيقه جرّه=مع الهياط اللّي طوال دروبه
رحى الجهل فوق العرب مفترّه=والعنصريّه نارها مشبوبه
والوضع مؤسف والحقيقه مُرّه=يارب فالجنّه وحسن التوبه
خلف البعير عقولنا منجرّه=اليا ضرب عرقوبه بعرقوبه
أحداً يصيح يقول لله درّه=وأحداً يقول بعيركم كم هوبه؟؟
والناس وين؟ووين علم الذرّه؟=يأهل الركاب ركابكم مركوبه!!
العز ساسه من حجار الحرّه=والجدر فوقه جملةٍ مكتوبه!!
كنّه يقول الكل من هو مرّه=(تهدمني الأيام طوبه طوبه)!!
والمجد ضلّا شيخ فوق الحُرّه=و وطّى شماغه ثم و طّى ثوبه!!
ثم أنسدح حتى المكيف ضرّه=وأصبح من المسدح كبار جنوبه
ما يدري ببرد الزمان وحرّه=خرّف وهو يحسب زمانه دوبه
ماباقي ألأ ندفنه بالمرّه=اليا التوى عرقوبه بعرقوبه
عيضه الثبيتي
22/3/1433هـ

الـعـز سـاسـه مــن حـجـار الـحـرّه
والـجـدر فـوقـه جمـلـةٍ مكتـوبـه!!
كنّـه يـقـول الـكـل مــن هــو مــرّه
(تهدمنـي الأيـام طوبـه طوبـه)!!

صح السانك يابو فيصل الى مالانهايه
مبدع ولاغرابه

الله الله


الشاعر عيضة الثبيتي


صح لسانك للرضا


ابداع شاعر لله درك

صح لسانك وبيض الله وجهك



جزلة من جزل

ابوفيصل صح السانك وابيض وجه قصيده من اجمل القصائد

صح لسانك



قصيدة جزلة لا هنت

صح لسانك الى ما لا نهاية


تقبل التحية

الله الله


صح لسانك واعتلا شانك


جزلة من شاعر الجزالة

صح لسانك وافية من وافي بيض الله وجهك

قصيدة تستحق الاشادة




جزلة من جزل



لك تقديري

الله الله


صح لسانك واعتلا شانك



ابدعت لا هنت

جزلة من جزل



صح لسانك وسلمت يمناك