binhlailبن هليــل
06-11-2012, 02:35 AM
أسعدكم الله جميعا
وجدت قصيدة للشاعر عبدالرحمن المسعودي
بعنوان بحر الهوى قال إنها مجاراة لقصيدة العلوي صدر الغرام
حبيت أجاري قصيدة العلوى لأنها هي الأولى
ورغم علمي بأن الشاعر الأول غالبا يفوز بالصور الشعرية الأفضل
وعبدالرحمن ايضا طرح صور شعرية
حاولت ان تكون الصور الشعرية بمجاراتي مختلفة في البعض وليس الكل
وقد وعدت عبدالرحمن بردي على قصيدته وطلبت منه مهلة 15 دقيقة للمجاراة
لكن يبدو أن الوقت سرقني شوي فالمعذرة واليكم حصيلة الدقائق الماضية
شاعر زماني مختلف ما حل به فصل الخريف=والحب لا من حل في قلب المهاوي أسقمه
بالذات لا كان الغلا يمتاز بالدم الخفيف=القلب ما بيني وبين اللي هويته بقسمه
ويزيد بالروح الهوى لا عانق القلب النظيف=كل المشاعر تندفع صوب الحبيب وتحشمه
تحشم لذوقه بالقصيد وتحشم العود المنيف=وتحشم لكلمة من شفاه وبسمةٍ(ن)من مبسمه
يافاتني حكم الهوى لن صار بالعاشق عنيف=لا من تمكن بالفؤاد الشوق طوقه يحكمه
أعشق حقيقة بالهوى ماني بمن يعشق لزيف=زيف الهوى يا أهل الهوى سوا وجوده وعدمه
الحب عهد قلوبنا نقطعه والمغزى شريف=ميثاق عهد أحلامنا في كل لحظة نرسمه
نرسمه لوحة للمشاعر جنة العمر المريف=نرسم على صدر الزمن حلمٍ(ن)جميلٍ(ن)نحلمه
ياشامخة فوق النساء في كل مجمول وطريف=ياعل هذا الحُسن ياذات الحُسن ما نعدمه
فيك الأدب فيك الجمال ولا تسالي كيف كيف؟=يكفيني إني أفهمه لو كان غيري ما فهمه
قلبي على غيرك قسا لكن لك غادي رهيف=ياعايشة في عاشقك ما بين دمه ولحمه
يا وصفة الطب لفؤادي قرها الدين الحنيف=عندك نهايات الحلم فيكِ(ي)طموحي بختمه
غنيت لك لحن القصيد ولا على الشاعر كليف=لبيه ياقلب القصيد بجود مده وكرمه
هديتك من شاعرك مافيه مَن ولا حسيف=الشعر ما نكسر لقوسه لنطلق منه سهمه
عذب القوافي مقبله كله على شانك لفيف=بحر الشعر يزمي بموجه لن لقا من يلهمه
ياملهمة بحر القصيد الفكر ما مده قصيف=ما يعجزه بحر القصائد رافع الكف علمه
فارس بميدان القصيد إلى نزل بالعين شيف=إلى نويت لقاف شعري في ثواني احسمه
والفارس اللي ينزل الميدان ما يحمل لسيف=لو هو شجيع إن قابله راعي بسكين هزمه
شاعر زماني مختلف ما حل به فصل الخريف=الفكر بالعرف أغرقه والشعر بالحب اسقمه
وجدت قصيدة للشاعر عبدالرحمن المسعودي
بعنوان بحر الهوى قال إنها مجاراة لقصيدة العلوي صدر الغرام
حبيت أجاري قصيدة العلوى لأنها هي الأولى
ورغم علمي بأن الشاعر الأول غالبا يفوز بالصور الشعرية الأفضل
وعبدالرحمن ايضا طرح صور شعرية
حاولت ان تكون الصور الشعرية بمجاراتي مختلفة في البعض وليس الكل
وقد وعدت عبدالرحمن بردي على قصيدته وطلبت منه مهلة 15 دقيقة للمجاراة
لكن يبدو أن الوقت سرقني شوي فالمعذرة واليكم حصيلة الدقائق الماضية
شاعر زماني مختلف ما حل به فصل الخريف=والحب لا من حل في قلب المهاوي أسقمه
بالذات لا كان الغلا يمتاز بالدم الخفيف=القلب ما بيني وبين اللي هويته بقسمه
ويزيد بالروح الهوى لا عانق القلب النظيف=كل المشاعر تندفع صوب الحبيب وتحشمه
تحشم لذوقه بالقصيد وتحشم العود المنيف=وتحشم لكلمة من شفاه وبسمةٍ(ن)من مبسمه
يافاتني حكم الهوى لن صار بالعاشق عنيف=لا من تمكن بالفؤاد الشوق طوقه يحكمه
أعشق حقيقة بالهوى ماني بمن يعشق لزيف=زيف الهوى يا أهل الهوى سوا وجوده وعدمه
الحب عهد قلوبنا نقطعه والمغزى شريف=ميثاق عهد أحلامنا في كل لحظة نرسمه
نرسمه لوحة للمشاعر جنة العمر المريف=نرسم على صدر الزمن حلمٍ(ن)جميلٍ(ن)نحلمه
ياشامخة فوق النساء في كل مجمول وطريف=ياعل هذا الحُسن ياذات الحُسن ما نعدمه
فيك الأدب فيك الجمال ولا تسالي كيف كيف؟=يكفيني إني أفهمه لو كان غيري ما فهمه
قلبي على غيرك قسا لكن لك غادي رهيف=ياعايشة في عاشقك ما بين دمه ولحمه
يا وصفة الطب لفؤادي قرها الدين الحنيف=عندك نهايات الحلم فيكِ(ي)طموحي بختمه
غنيت لك لحن القصيد ولا على الشاعر كليف=لبيه ياقلب القصيد بجود مده وكرمه
هديتك من شاعرك مافيه مَن ولا حسيف=الشعر ما نكسر لقوسه لنطلق منه سهمه
عذب القوافي مقبله كله على شانك لفيف=بحر الشعر يزمي بموجه لن لقا من يلهمه
ياملهمة بحر القصيد الفكر ما مده قصيف=ما يعجزه بحر القصائد رافع الكف علمه
فارس بميدان القصيد إلى نزل بالعين شيف=إلى نويت لقاف شعري في ثواني احسمه
والفارس اللي ينزل الميدان ما يحمل لسيف=لو هو شجيع إن قابله راعي بسكين هزمه
شاعر زماني مختلف ما حل به فصل الخريف=الفكر بالعرف أغرقه والشعر بالحب اسقمه