binhlailبن هليــل
28-11-2012, 07:08 PM
أسعدكم الله بكل زمان ومكان
بعثرت أرشيف الذكريات فوجدت هذع الأبيات
علها تروق لكم
غلطتي غلطة كبيرة ما تداويها الحسايف=والسبب كثر التردد لين روح من يديني
كنت موجود بحياته مير متوهم وخايف=خفت لا صده ورفضه يبعده عن شوف عيني
بين رمشة وإنتباهة تشبه لضحك الطرايف=ضاع مدري ضعت والأيام تغدر ما تبيني
آه من حظٍ(ن)حداني عنك ياحسن الوصايف=لين حال الصعب بالأيام ما بينك وبيني
لو بعد عني جسدك أرواحنا تبقا ولايف=ماتفرقها مسافات الديار ولا السنيني
راح في دنيا جديدة وانشغل مجبور عايف=وانشغلت بدنيتي وقلوبنا فيها حنيني
ودنا نرجع كما كنا لكن الحظ هايف=ذا قدرنا قبل مولدنا كٌتب فوق الجبيني
النصيب يصيب والمكتوب فوق العبد شايف=ماتغيره العقول ولا تغيره اليديني
ما بقا غير التوجد والأماني كيف كايف=فيه تخدير المواجع بالقلوب من الونيني
ذكريات أيام مرت طيفها بالفكر طايف=كل مامرت على بالي تذكرني ضنيني
ليتني ماكان حبيتك يامرحوم الطوايف=وليتني بعد هويتك التقي صبريحميني
وليتني قبل أخسرك ماكان حسبت الكلايف=كان هان الوضع والأحوال ماكانت تشيني
مرت أيام الفراق ثقال مامرت خفايف=ماهقيت إنك مثل ما أبيك بالدنيا تبيني
أعترف إني فشلت ولا كسبت إلا الكسايف=ياخسارة غلطة الشاطر بعشر الله يعيني
غلطتي غلطة كبيرة ما تداويها الحسايف=والسبب كثر التردد لين روح من يديني
بعثرت أرشيف الذكريات فوجدت هذع الأبيات
علها تروق لكم
غلطتي غلطة كبيرة ما تداويها الحسايف=والسبب كثر التردد لين روح من يديني
كنت موجود بحياته مير متوهم وخايف=خفت لا صده ورفضه يبعده عن شوف عيني
بين رمشة وإنتباهة تشبه لضحك الطرايف=ضاع مدري ضعت والأيام تغدر ما تبيني
آه من حظٍ(ن)حداني عنك ياحسن الوصايف=لين حال الصعب بالأيام ما بينك وبيني
لو بعد عني جسدك أرواحنا تبقا ولايف=ماتفرقها مسافات الديار ولا السنيني
راح في دنيا جديدة وانشغل مجبور عايف=وانشغلت بدنيتي وقلوبنا فيها حنيني
ودنا نرجع كما كنا لكن الحظ هايف=ذا قدرنا قبل مولدنا كٌتب فوق الجبيني
النصيب يصيب والمكتوب فوق العبد شايف=ماتغيره العقول ولا تغيره اليديني
ما بقا غير التوجد والأماني كيف كايف=فيه تخدير المواجع بالقلوب من الونيني
ذكريات أيام مرت طيفها بالفكر طايف=كل مامرت على بالي تذكرني ضنيني
ليتني ماكان حبيتك يامرحوم الطوايف=وليتني بعد هويتك التقي صبريحميني
وليتني قبل أخسرك ماكان حسبت الكلايف=كان هان الوضع والأحوال ماكانت تشيني
مرت أيام الفراق ثقال مامرت خفايف=ماهقيت إنك مثل ما أبيك بالدنيا تبيني
أعترف إني فشلت ولا كسبت إلا الكسايف=ياخسارة غلطة الشاطر بعشر الله يعيني
غلطتي غلطة كبيرة ما تداويها الحسايف=والسبب كثر التردد لين روح من يديني