binhlailبن هليــل
07-12-2012, 07:11 PM
أسعدكم الله بكل زمان ومكان
اليكم هذه الأبيات علها تروق لكم
هذي رسالة سريعة يا معال الوزير=الوقت ما ينومن كم غالبٍ(ن)وإنغلب
تدري بمنهو غريبٍ(ن)بالزمان الأخير=إنك تعيش بوطن والحس منك إغترب
الوقت لا يخدعك والعمر كله قصير=فكر بمن كان قبلك بالتراب إنترب
وتدري بمعنى فقير ومن يكون الفقير؟=اللي يقابل لربه خاسرٍ(ن)ماكسب
وتدري مصير المنافق في عذاب السعير=اللي لسانه بلا ذمة يلوط الركب
بعض البشر يكبر بسنه وعقله صغير=والجهل علة على علة يزيد السبب
وأكبر مصيبة ليا من مات حس الضمير=وش عاد تجني من المقرود غير التعب
بعض العرب لا ملى بطنه يحسبه أمير=الحنظله في نظره تصير حالي عنب
ماكل ماهو توهم بالليالي يصير=الكذب عنده حقيقه والحقيقه كذب
والطفل في روضته يحتاج عقلٍ(ن)بصير=يا معلمه علمه يا ويش معنى أدب
أطفالنا في وطنا غير والعلم غير=لا تنخدع بالنتائج من نجح من رسب
لعل يطلع من الأطفال واحد سفير=يطلع سياسي وطبعه غير طبع الصلب
وياعل يطلع من الأجيال نورٍ(ن)ينير=ظلام ناسٍ(ن)تحسب الراس مثل الذنب
ومن لا كتب فيه ربه للمخاليق خير=والله ما يجيب نفعة لو يلف الشنب
مثل النعامة جبانة ما تخيل الصفير=ويشابه الفيل لا منه قعد بالكنب
علة نحر بالزمان يحب كثر النقير=أعمى بصيرة يحسب الثور بعد يحلب!!
هذا زمان العرب مستنوقين البعير=وقلوبهم صايرة سودٍ(ن)سواة الغُرب
صحيح كل طائر بجنحان معروف طير=لكنها تختلف بالشكل ثم النسب
الحر يشلع بمخالبه وغيره يخير=لا شاهده في سماه يموت فيه العصب
لوهو سليم الجناح من الخرع مايطير=ايموت في ماقعه ياحر عز الطلب
إشلعه بالمخلب وخله يلج الصرير=عشه حرارٍ بوكرك كاسية بالزغب
قالوه من قبلنا قومٍ(ن)بليا كبير=ايضيع مقدارهم بالوقت بين العرب
العقل ما يجرحه غير الكلام المرير=والمر لو هو دواء للكبد ما ينشرب
واللي يجادل حقير يصير مثله حقير=وأكيد منهو تمادى بالغلط ينكب
سواة ساحر عمان اللي مذاكر خطير=عليه سحره بقدرة قادرٍ(ن)إنقلب
هذي رسالة سريعة يا معال الوزير=الوقت ما ينومن كم غالبٍ(ن)وإنغلب
اليكم هذه الأبيات علها تروق لكم
هذي رسالة سريعة يا معال الوزير=الوقت ما ينومن كم غالبٍ(ن)وإنغلب
تدري بمنهو غريبٍ(ن)بالزمان الأخير=إنك تعيش بوطن والحس منك إغترب
الوقت لا يخدعك والعمر كله قصير=فكر بمن كان قبلك بالتراب إنترب
وتدري بمعنى فقير ومن يكون الفقير؟=اللي يقابل لربه خاسرٍ(ن)ماكسب
وتدري مصير المنافق في عذاب السعير=اللي لسانه بلا ذمة يلوط الركب
بعض البشر يكبر بسنه وعقله صغير=والجهل علة على علة يزيد السبب
وأكبر مصيبة ليا من مات حس الضمير=وش عاد تجني من المقرود غير التعب
بعض العرب لا ملى بطنه يحسبه أمير=الحنظله في نظره تصير حالي عنب
ماكل ماهو توهم بالليالي يصير=الكذب عنده حقيقه والحقيقه كذب
والطفل في روضته يحتاج عقلٍ(ن)بصير=يا معلمه علمه يا ويش معنى أدب
أطفالنا في وطنا غير والعلم غير=لا تنخدع بالنتائج من نجح من رسب
لعل يطلع من الأطفال واحد سفير=يطلع سياسي وطبعه غير طبع الصلب
وياعل يطلع من الأجيال نورٍ(ن)ينير=ظلام ناسٍ(ن)تحسب الراس مثل الذنب
ومن لا كتب فيه ربه للمخاليق خير=والله ما يجيب نفعة لو يلف الشنب
مثل النعامة جبانة ما تخيل الصفير=ويشابه الفيل لا منه قعد بالكنب
علة نحر بالزمان يحب كثر النقير=أعمى بصيرة يحسب الثور بعد يحلب!!
هذا زمان العرب مستنوقين البعير=وقلوبهم صايرة سودٍ(ن)سواة الغُرب
صحيح كل طائر بجنحان معروف طير=لكنها تختلف بالشكل ثم النسب
الحر يشلع بمخالبه وغيره يخير=لا شاهده في سماه يموت فيه العصب
لوهو سليم الجناح من الخرع مايطير=ايموت في ماقعه ياحر عز الطلب
إشلعه بالمخلب وخله يلج الصرير=عشه حرارٍ بوكرك كاسية بالزغب
قالوه من قبلنا قومٍ(ن)بليا كبير=ايضيع مقدارهم بالوقت بين العرب
العقل ما يجرحه غير الكلام المرير=والمر لو هو دواء للكبد ما ينشرب
واللي يجادل حقير يصير مثله حقير=وأكيد منهو تمادى بالغلط ينكب
سواة ساحر عمان اللي مذاكر خطير=عليه سحره بقدرة قادرٍ(ن)إنقلب
هذي رسالة سريعة يا معال الوزير=الوقت ما ينومن كم غالبٍ(ن)وإنغلب