لاطرالي هاجسي معه بافكاري سريت=
-------------------------لين تاخذ مهرة الفكركامل دورها
اتامل حاضري واتذكرمانسيت =
------------------------من ليالاًً قفت اتراحها وسرورها
السنين اللي تعدت ومرت كمبليت =
--------------------------كلها ضدي تدرج رحاة شهورها
تجرح وتوجع وانا كل ما تقسى قسيت=
----------------------مارفت حالي وانا ماخضعت لجورها
كل ماتبني بدربي حواجزما احتديت =
----------------------انهم حصان الهمم لين يطمر سورها
اتحمل جورها ماخضعت ولاشكيت=
---------------------احسب ورود المواجيب قبل اصدورها
لاداعني لازمي سلم والا حرب جيت =
-----------------------العداء سيفي ورمحي يسد انحورها
ياكثيرين الحكي والتمدح والهتيت=
------------------- كل ناس اعرف وفاهاواعرف قصورها
اعرف بيوت البخل والكرامه بيت بيت =
-------------------واعرف كبار الحنادي واعرف صقورها
كم اخذت مع الرياجيل بالطيب وعطيت =
--------------------------للجمايل رحلةًً ماوقف بابورها
مالحد منه وانا لن عطيت ولن خذيت =
-----------------------ما استغل الظلمه اللي مطفي نورها
الشكرلله وانا بمقسومه رضيت =
------------------- والرخم ما اكب شوري واطاوع شورها

مشرفنا عثمان : أهلا بحرفك
نص شامخ قادر على الحديث ورسم صورة واضحة بعيده عن اغتراب الروح

لك فائق الشكر و جل التقدير

ياسلام سلم وافيه وانت وافي

صح السانك

صح السانك...... ابداع يأبو مشعل ....

ابو مشعل


صح لسانك وبيض الله وجهك

قصيدة جزلة من شاعر معروف بجزالته

خالص تقديري

تنبيه: بناء على ما نبهانا له نجم العرب بالاهداءات

حول عدد قصائد قسم الأعضاء التي بلغت 2011 بوقت تنبيهه

هذه القصيدة رقمها بالقسم 2012 توافقت مع نهاية عام 2012

وأنا حجزت الرقم 2013 بقصيدة عذبت بالجوال

الله يعطيك الف عافيه على هذه

القصيده الراقيه والمميزه بابياتها

وتختيمها للعام 2012

صح لسانك وكل عام وانتم بخير

لك التحيه

ابو مشعل صح لسانك مبدع متميز لا تأتي الا بالجزل

نص شعري راق يمتاز بالجزالة والكبرياء

تسيطر السلوم والعلوم عل تفاصيله بغرور شاعر متمرس

كل الشكر لحرفك السامي

ودي وتقديري

يا سلام يا سلام


جزلة من جزل ابيض وجه راقت لأبو سعد

جزلة من جزل









صح لساااااااااااااااانك

صح لسانك جزلة من شاعر جزل بيض الله وجهك


تقبل التحية