binhlailبن هليــل
18-05-2013, 09:33 PM
اسعدكم الله أين ما كنتم
هذه الأبيات وجهتها لصديق لي من عمان من منطقة ظفار
على اثر نقاش اخوي بيني وبينه فقلت
http://im33.gulfup.com/O0ZL1.jpg (http://im33.gulfup.com/O0ZL1.jpg)
راعي الموتر اللي قايم من الحجاز=متجه شرق واللوحة عليها عمان
أخذ مني أمانة للربوع العزاز=من ديار الأمانة والأمن والأمان
الأمانة تسلمها لراس البغاز=صاحبي في ظفار الاسم بالظرف بان
بلغه بالسلام وقول بالطيب فاز=لو حدانا مكان ولو تغير زمان
ذكره للزيارة ما يحاوج جواز=الهوية تكفي بدون رسم وضمان
ذكره بالتواصل بين الأصحاب جاز=كان جانا نجيه ولو ناد المكان
قول:يا مرحبا به في جميع الحزاز=وذكره بالهدايا والعسل واللبان
والعلوم البقية بظرف الحراز=لا قراها يعرف بسرها والبيان
لا يخاف بوطنا من حجر وإحتجاز=في حمانا عزيز القوم دايم معان
ما بنينا حصون من الورق والقزاز=نحتمي للمواقف بالفعل واللسان
المباني على السيسان صلبة عزاز=والرجولة مواقف بالقسا والليان
عز للجار مزبن من حداه إعتياز=جارنا ما يهان وضيفنا ما يهان
نهجنا بالكتاب اللي عن الشك حاز=ما ندور بديل لمحكمات القران
والوطن والمواطن ما تهمقاه غاز=في ذرا العاهل اللي ما ثناه الهوان
صقر يعرب حقيقة ما غطاها مجاز=راعي السيف الأجرب في نهار الطعان
شامخٍ(ن)مثل ضلع طويق بالإرتكاز=ما تهزه رياح ولا صهيل الحصان
ثابتٍ(ن)ما يهزه بالزمان إهتزاز=لو تزلزل من اليابان لين أصفهان
في جنوبه رجالٍ(ن)مثل نارٍ(ن)وغاز=لو رماهم على صم الصخر طوع لان
هذه الأبيات وجهتها لصديق لي من عمان من منطقة ظفار
على اثر نقاش اخوي بيني وبينه فقلت
http://im33.gulfup.com/O0ZL1.jpg (http://im33.gulfup.com/O0ZL1.jpg)
راعي الموتر اللي قايم من الحجاز=متجه شرق واللوحة عليها عمان
أخذ مني أمانة للربوع العزاز=من ديار الأمانة والأمن والأمان
الأمانة تسلمها لراس البغاز=صاحبي في ظفار الاسم بالظرف بان
بلغه بالسلام وقول بالطيب فاز=لو حدانا مكان ولو تغير زمان
ذكره للزيارة ما يحاوج جواز=الهوية تكفي بدون رسم وضمان
ذكره بالتواصل بين الأصحاب جاز=كان جانا نجيه ولو ناد المكان
قول:يا مرحبا به في جميع الحزاز=وذكره بالهدايا والعسل واللبان
والعلوم البقية بظرف الحراز=لا قراها يعرف بسرها والبيان
لا يخاف بوطنا من حجر وإحتجاز=في حمانا عزيز القوم دايم معان
ما بنينا حصون من الورق والقزاز=نحتمي للمواقف بالفعل واللسان
المباني على السيسان صلبة عزاز=والرجولة مواقف بالقسا والليان
عز للجار مزبن من حداه إعتياز=جارنا ما يهان وضيفنا ما يهان
نهجنا بالكتاب اللي عن الشك حاز=ما ندور بديل لمحكمات القران
والوطن والمواطن ما تهمقاه غاز=في ذرا العاهل اللي ما ثناه الهوان
صقر يعرب حقيقة ما غطاها مجاز=راعي السيف الأجرب في نهار الطعان
شامخٍ(ن)مثل ضلع طويق بالإرتكاز=ما تهزه رياح ولا صهيل الحصان
ثابتٍ(ن)ما يهزه بالزمان إهتزاز=لو تزلزل من اليابان لين أصفهان
في جنوبه رجالٍ(ن)مثل نارٍ(ن)وغاز=لو رماهم على صم الصخر طوع لان