binhlailبن هليــل
12-08-2013, 02:08 AM
أسعد الله أوقاتكم
اليكم الأبيات بدون مقدمات
تقول الفاتن:أنا مانسيتك والقلوب شهود=وأنا بعد ترى ماني بناسي سالفة عمري
بذلت بسالف الأيام يابنت الكرم مجهود=لكني ما لقيت اللي تمنيته حسب أمري
لعب بي قلبي الطيب وحظٍ(ن)بالزمن مقرود=لقيت العذر يسبق للفعل ...والله ما أدري
عرفت إن الليالي بعضها قمرا وفيها سود=وناسٍ(ن)تلتزم بالعهد وأخرى تعشق الغدري
يا فاتن ما مضى من عمرنا صعبٍ(ن)تراه يعود=زمان أول تحول لا تزيدي حرقه بصدري
جميلات الليالي مقفية والشاينات ورود=جميل الوقت ولى لا تقولي:تونا بدري
شبابك راح كله مثل ماني عند ربعي عود=عسى الله يلطف بحالي وحالك عمرنا يجري
نخادع للنفوس وعمرنا يا فتنتي محدود=ويومٍ(ن)ينتهي ما هو براجع يطلب العذري
نسج أرواحنا وأرواحنا محكومةٍ(ن)بقيود=نبيع أحلى ليالينا وشين أيامنا نشري
نحسب إنا نخلد بالزمن ما بالزمان خلود=نهايتنا ولو طالت هياكل داخل القبري
بعد قوة نهايتنا بحفرة موحشة ولحود=بظلمة ما حوالينا ونيس وحرها حري
تصير أجسادنا بعد النضارة مرتعٍ(ن)للدود=نهاية لو نفكر ما نظمنا بيت من شعري
ألا يالله يارحمن ياراع الكرم والجود=توسع منزلي بالقبر والغفران بالحشري
بعفوك ياكريم الوجه ياقيوم ياموجود=تبدل عسرنا لا ضاقت الأحوال باليسري
طلبتك يا إلهي خاتمة ترضيك يامعبود=تنزل فوقنا سكينك وتزود الصبري
اليكم الأبيات بدون مقدمات
تقول الفاتن:أنا مانسيتك والقلوب شهود=وأنا بعد ترى ماني بناسي سالفة عمري
بذلت بسالف الأيام يابنت الكرم مجهود=لكني ما لقيت اللي تمنيته حسب أمري
لعب بي قلبي الطيب وحظٍ(ن)بالزمن مقرود=لقيت العذر يسبق للفعل ...والله ما أدري
عرفت إن الليالي بعضها قمرا وفيها سود=وناسٍ(ن)تلتزم بالعهد وأخرى تعشق الغدري
يا فاتن ما مضى من عمرنا صعبٍ(ن)تراه يعود=زمان أول تحول لا تزيدي حرقه بصدري
جميلات الليالي مقفية والشاينات ورود=جميل الوقت ولى لا تقولي:تونا بدري
شبابك راح كله مثل ماني عند ربعي عود=عسى الله يلطف بحالي وحالك عمرنا يجري
نخادع للنفوس وعمرنا يا فتنتي محدود=ويومٍ(ن)ينتهي ما هو براجع يطلب العذري
نسج أرواحنا وأرواحنا محكومةٍ(ن)بقيود=نبيع أحلى ليالينا وشين أيامنا نشري
نحسب إنا نخلد بالزمن ما بالزمان خلود=نهايتنا ولو طالت هياكل داخل القبري
بعد قوة نهايتنا بحفرة موحشة ولحود=بظلمة ما حوالينا ونيس وحرها حري
تصير أجسادنا بعد النضارة مرتعٍ(ن)للدود=نهاية لو نفكر ما نظمنا بيت من شعري
ألا يالله يارحمن ياراع الكرم والجود=توسع منزلي بالقبر والغفران بالحشري
بعفوك ياكريم الوجه ياقيوم ياموجود=تبدل عسرنا لا ضاقت الأحوال باليسري
طلبتك يا إلهي خاتمة ترضيك يامعبود=تنزل فوقنا سكينك وتزود الصبري