binhlailبن هليــل
03-01-2017, 09:30 PM
طابت أوقاتكم بكل بخير
يا قصيدي زين المعنى بلا زيف وتحايل=ثم بلغ صاحبي وشلون حالي بالبدايه
ليت خلي يدري إن الشوق سوى بي عمايل=مير خلي منشغل عني ولا همه بلايه
كل يومٍ(ن) أفتح الجوال أدور بالرسايل=عن رسالة منك ياللي معتقد عندك هنايه
ما لقيت إلا رسايل سوت بكبدي علايل=مزعجتني بالرنين وكلها نصب ودعايه
وأنت ياللي تشتهيك الروح عني ما أنت سايل=لا سؤال ولا جواب ولا سلام ولا حكايه
ليش ما ترحم محبك يا بعد كل الحمايل=ذا تغلي منك وإلا ما خذٍ(ن)هجري هوايه
من سنين أشكي لك أحوالي وما بي من غلايل=وأنت توعدني بطبك مير ما شفت لدوايه
أترجى وأتمنى وأتبع كل الوسايل=مير ما حققت يالمضنون لو مرة رجايه
ودي بشوفك وأبي وصلك لكني غير طايل=وأنت من بد الخلايق يا بعد عمري هوايه
وأنت تدري ما أنت جاهل عن غلا بالقلب شايل=فيه راحة للمشاعر مير في زوده عمايه
حبك اللي بالحشا ساجنه سوى بي هوايل=أحسبه يبري جروحي مير سوى بي نكايه
وبالنهاية يا قصيدى بلغ الغالي دلايل=كان ما عجل وصالي إقترب وقت النهايه
يا قصيدي زين المعنى بلا زيف وتحايل=والنهايه يا قصيدي ما تجي مثل البدايه
يا قصيدي زين المعنى بلا زيف وتحايل=ثم بلغ صاحبي وشلون حالي بالبدايه
ليت خلي يدري إن الشوق سوى بي عمايل=مير خلي منشغل عني ولا همه بلايه
كل يومٍ(ن) أفتح الجوال أدور بالرسايل=عن رسالة منك ياللي معتقد عندك هنايه
ما لقيت إلا رسايل سوت بكبدي علايل=مزعجتني بالرنين وكلها نصب ودعايه
وأنت ياللي تشتهيك الروح عني ما أنت سايل=لا سؤال ولا جواب ولا سلام ولا حكايه
ليش ما ترحم محبك يا بعد كل الحمايل=ذا تغلي منك وإلا ما خذٍ(ن)هجري هوايه
من سنين أشكي لك أحوالي وما بي من غلايل=وأنت توعدني بطبك مير ما شفت لدوايه
أترجى وأتمنى وأتبع كل الوسايل=مير ما حققت يالمضنون لو مرة رجايه
ودي بشوفك وأبي وصلك لكني غير طايل=وأنت من بد الخلايق يا بعد عمري هوايه
وأنت تدري ما أنت جاهل عن غلا بالقلب شايل=فيه راحة للمشاعر مير في زوده عمايه
حبك اللي بالحشا ساجنه سوى بي هوايل=أحسبه يبري جروحي مير سوى بي نكايه
وبالنهاية يا قصيدى بلغ الغالي دلايل=كان ما عجل وصالي إقترب وقت النهايه
يا قصيدي زين المعنى بلا زيف وتحايل=والنهايه يا قصيدي ما تجي مثل البدايه