النجـــــم
23-12-2007, 11:45 PM
ليت التمني يجلب اللي نتمناه=أول مناي أشوفكِ نصب عيني
بمتع عيوني من اللي هويناه=حال الزمن والحظ بينه وبيني
للي ملك قلبي من أدناه لقصاه=أنا ابيه وصاحبي ما يبيني
مالي عليه غصوب والغصب مدناه=اله ضنينه بس هوَ ضنيني
وإن كان قصده بالغرام أترجاه=حب(ن)يجيب بغصوب والله لعيني
من أول(ن) اباه وذا الحين ما باه=يقفي مع المقفين والله يعيني
اما يجي كله وكلي يتلقاه=ونداوي جروح الزمن والسنيني
بعطيه روحي لو طلبها بيمناه=والقلب عرشه والمشاعر تبيني
والا يروح ويمكن بيوم ننساه=اما نسيه القلب والا نسيني
وإن كان راح لغيرنا ما بغيناه=خله يجرب كل زين(ن) وشيني
وأنا بدوس القلب والعن خطاياه=بعز نفسي وأقهر الشامتيني
وإن عاد لي في يوم بعد سواياه=بقول له عود ورا لا تجيني
خلك بدربك دام عقلك توراه=والا أنا كفيت عنكم يميني
عود لمن ذيك الليالي تهاواه=العلم واحد وأنت شخص نطيني
من باعنا زمان ذا الحين بعناه=حتى ولو إنه من الصالحيني
حتى الذهب لو ينلبس ما شريناه=قلبي قسا ما عاد بالقلب ليني
اللي نبيه الكم لغيرك عطيناه=خذاه والله أكرم الأكرميني
روح البحر واشرب ترى مالح(ن)ماه=والا الحلا ولى زمانه يا زيني
ما فات مات وصعب والله تلقاه=أنا هجرت الحب مخلص لديني
خلاص أنا رجعت لله لله=بقضي بقايا العمر مع الساجديني
بمتع عيوني من اللي هويناه=حال الزمن والحظ بينه وبيني
للي ملك قلبي من أدناه لقصاه=أنا ابيه وصاحبي ما يبيني
مالي عليه غصوب والغصب مدناه=اله ضنينه بس هوَ ضنيني
وإن كان قصده بالغرام أترجاه=حب(ن)يجيب بغصوب والله لعيني
من أول(ن) اباه وذا الحين ما باه=يقفي مع المقفين والله يعيني
اما يجي كله وكلي يتلقاه=ونداوي جروح الزمن والسنيني
بعطيه روحي لو طلبها بيمناه=والقلب عرشه والمشاعر تبيني
والا يروح ويمكن بيوم ننساه=اما نسيه القلب والا نسيني
وإن كان راح لغيرنا ما بغيناه=خله يجرب كل زين(ن) وشيني
وأنا بدوس القلب والعن خطاياه=بعز نفسي وأقهر الشامتيني
وإن عاد لي في يوم بعد سواياه=بقول له عود ورا لا تجيني
خلك بدربك دام عقلك توراه=والا أنا كفيت عنكم يميني
عود لمن ذيك الليالي تهاواه=العلم واحد وأنت شخص نطيني
من باعنا زمان ذا الحين بعناه=حتى ولو إنه من الصالحيني
حتى الذهب لو ينلبس ما شريناه=قلبي قسا ما عاد بالقلب ليني
اللي نبيه الكم لغيرك عطيناه=خذاه والله أكرم الأكرميني
روح البحر واشرب ترى مالح(ن)ماه=والا الحلا ولى زمانه يا زيني
ما فات مات وصعب والله تلقاه=أنا هجرت الحب مخلص لديني
خلاص أنا رجعت لله لله=بقضي بقايا العمر مع الساجديني