binhlailبن هليــل
27-12-2007, 05:44 AM
حدايه عام 1427هـ عند قبيلة البقله من سليم
عد السحاب اللّي برق برقه وزاد البرق برقـا
سلام تسليم الوفاء من روس روق وروس برقا
نمشي على وضح النقاء المجرود مافالعلم برقا
والطيب مابين العرب يبني له بيوت وقصـور
*
*
*
*
والطيب يرقى له من رجال الوفاء من قال برقا
وترى الثلاث البيض بيض ولابها سودا وبرقا
وحنّا نتواصل قبل يصبح بيننا هاتـف وبرقـا
عتيبه رجال الوفاء وسليـم مافيهـم قصـور
عيضة الثبيتي
عذبة الصوت
27-12-2007, 05:51 AM
يعطيك العافيه بن هليل
مع اني مافهمت بعض الكلمات غامضه
binhlailبن هليــل
27-12-2007, 06:09 AM
عذبة الالحان
هذا لون من الوان الشعر يسمونه الحداء
بس تلاحظين كلمات جات بنفس الحروف
لكن كل كلمة لها معنى مختلف
برقا وهي معانيها كما جات بالقصيدة
ما رتبتها يمكن تكتشفيها بذكاك
اسم من فروع عتيبة
البرق
الرقي والصعود
اللون المختلف بين الشمس والظل
الشك والظن
المبرقات
قصور
البيوت الفخمة
النقص
لك
كل التقدير
عذبة الصوت
27-12-2007, 06:15 AM
من روس روق وروس
وترى الثلاث البيض بيض ولابها سودا وبرقا
شنو معناه
معليه مافهمت وضح لنا المعنى
binhlailبن هليــل
27-12-2007, 06:22 AM
من روس روق وروس
وترى الثلاث البيض بيض ولابها سودا وبرقا
شنو معناه
معليه مافهمت وضح لنا المعنى
قبيلة عتيبة تنقسم الى فرعين
روق و برقا
من روس روق وروس برقا(يعني من اعزهم واعلاهم شرفا ونسبا)
الثلاث البيض العلوم الزينة النقية
وهذا يعني علومنا زينه ما فيها شك مثل المكان المشكوك فيه
فالمكان الذي ظله تتخلله الشمس يسمي برقا يعني مخلط ظل بشمس
هذا الشرح مقصلا تفصيلا
عشان تصيري شاعرة
لك
التقدير
ابن عميش
23-08-2008, 03:50 AM
من روس روق وروس برقا
سلمت روؤسهم جميعا
من كل شر وسلمت
يمينك على هذا النقل
الرائع والمميز وصح
لسان ابوفيصل
لكم التقدير
وفائق الاحتـــــــــــرام
الــزعــيــم
04-09-2008, 03:13 AM
مشكووور على النقل الرائع
الله يعطيك العافية
تقبل تحياااااااااااااتي الخاااااااااااااصة
ابو عبدالرحمن
31-12-2008, 08:51 AM
ابن هليل
سلمت يمينك عاى النقل الرااااائع
بيض الله وجه عيضه شاعر بدون تعريف
لاهنت تقبل تحيتي