السلام عليكم ورحمة الله وبركاته

سوف انقل لكم واختار مما احفظه من محاورات " الفتل والنقض" لمجموعه

من الشعراء لنرى قوة اللفظ والمعنى وسرعة البديه لدى بعض الشعراء الكبار

واليكم بعض من هذه الابيات الجميله..





الجبرتي قائلاً للمسعودي رحمهم الله :
أنته سوات الحيّه اللي وازيه في بطن غـور
ترقد بغير فراش - مير انحاش ياحوت البحر

رد عـبــد الله الـمـسـعـودي :
انته كما السيّاره اللي عاكست خط المـرور
يسوقها الحشّاش - مير انحاش ياحوت البحر




×××××




وقال محمـد ابـن تويـم
ترى هذي الديـره يسمّونهـا ام سبـاع
وفيها سبـاعٍ تاكـل الذيـب سرحانـي

ورد المسعودي الله يرحمه
انا جيتها في الصيف ماجيت في المرباع
وش تقول جيت السبع و السبع ماجانـي









محمد بن جرشان البقمي :
مادام ابن عواد بالملعبة حاضر وموجـود
خيل خيالٍ يصبح الصبح سامرةٍ بروقـه

الـرد مـن صـيـاف :
مادام ابن عواد موجود ضلع طويق ممدود
يوجعك لو يطيح فوقك ولو تطيـح فوقـه








وقال عبدالله المسعودي رحمة الله عليه
ماني بجيب الفصاحه غير عند الفصيح "
" امشي مع الناس واعطيهـا قوانينهـا

مطـلـق الثبيـتـي الله يرحـمـه..
بعض المعاني تعنيني وانـا مستريـح "
" وام الموازيـن لا تصغـي موازينهـا







قال محمد بن تويم..
ابنطح براسي راس مستور
واخليه ادق من الطحينـا

مستور. العصيمي...
الا يامحمد منـت مجبـور
تنبـه قلـوب الغافليـنـا









مستور العصيمي :
من قشر حضك يالحريبي ماتشوف الا بعينوالعين الاخرى من زمانٍ فات معمي نونها

صياف الحربي :
عيني لها نضره ونضرتها مشيبة الجنيـنوانته عيونك يوم ترفعها تطيـح اجفونهـا









مطلق الثبيتـي

ياراعي الشله اللي عن عيال الخير معزوله
بعد سويتها فينا يبي لك حـرب وجهـادي

شليويح المطيري

انا لي شلةٍ في دربهـا ماهـي بمشلولـه
بعدها يالثبيتـي لاتحـرك كـورة النـادي







مطلق الثبيتـي

ابوكم ماتسنع وامكم قشـرى ومهبولـه
ليا ميزتها من قشرها ماعاد تـزدادي

شليويح المطيري
انا امي صاحيه وامك من الايام مشغوله
ولاتسمع كلام امك نهار تصيح وتنادي


وقال سلطان الهاجري
الليل يامستور مادون الحلوق الا اليدين
لولاك ماطلعت سكينـي ولا حديتهـا

ورد مستور العصيمي
سكينك اللي قلتها دوّر لها كبشٍ سمين
ياليتها تشبعك من ذيل الطلي ياليتهـا








الــزلامــي
إتجه للغرب وأحوال العرب مستوره
ماقراه الغامدي علم به الزهرانـي

شليويح المطيري
إتجه للغرب وإقر اللي على السبوره
ثم دور للطبيب مداوي المرضانـي








محمد السناني
هل الطايف عرب منهم تسلسل يوسف الحاجاج
نشرله في بـلاد الرافديـن ابيـات مشهـوره
الـزلامـي
طردنا يوسف الحجاج وانته تبغـي المنهـاج
بعد ساعه يبي يضحك عليك مشجـع الكـوره









الفتـل مـن محـمـد الجبـرتـي :
وش عاد باقي ياعبد الله تهيض هات الأمثال
شريت إلك الموتر اللي ما شراه أبوي ليـه
أنا أشهد إني ربيتك لين صرت اليوم رجال
واليوم صرتوا رجال ولا لكم شرهه عليـه

الرد من ولده عبد الله محمد الجبرتي :
الله يخليـك ليـه ثـم أرد اريـال بريـال
لو كان ماني بمحصي كل ما سويـت فيـه
وأنته شريته لنفسك وإلا أنا ماغير جمـال
بالصبح أوديك مكة والعصر يـم الضبيـه



هذه محاوره من اجمل المحاورات

فتل ونقض بين شعراء كبار





الـــثـــبـــيـــتـــى,

عد همال السحاب اللـى تحـن رعـودة
مرحبا فى حلـة يكـرم بهـا الظيفانـى
شفت ابن جرشان فى دربة يطش شنـودة
كل ماودة يحـك الزنـد فـا الصوانـى

بــــــن جـــرشـــان,

عد همـال السحـاب وحسبـة معـدودة
مرحبا ترحيبة يرضـى بهـا الزعلانـى
انت دايـم كـل علـم باللسـان تـرودة
مير لاتخطى على السلطـان يالسلطانـى

الـــتـــبـــيـــتـــى,

انت لـك بيـن القبايـل خطـة محـدود
ياثمـر ورد الهـدا يـادوش ياريحانـى
لاتسيـر بالقـدم فـى سكـة مـسـدودة
وانتة اعور عين مدرى من حدى العميانى

بــــــن جـــرشـــان,

ماعلـى خـلاف مـادام الثقـة موجـوه
واللة اعلم بالقلوب اسمع كـلام السانـى
"""""""""""""""""""""""""""""""""""""""غير موجود

الـــثـــبـــيـــتـــى,

الكلام اللى باجيبـة حاضريـن شهـودة
اثر راعى حضن لا مسلـم ولانصرانـى
انت مدفاع من البـارح غـرق بـارودة
زهبتـة ثـارت ومـرت كلهـا دخانـى

بــــــن جـــرشـــان,

لاتجيب شهود من ظابط حرض وجنـودة
والحذر تطرى حضن ياراعى الريعانـى
مدفعى يقـدح زنـادة وانشـد المنشـودة
مير من يخطى طريقة قول لة غلطانـى

الـــثـــبـــيـــتـــى,

من حفر قبر هلالى ليـن طلـع عـودة
يدخل القبـر القديـم ويلبـس الاكفانـى
من قرب للسمن حتى انة دهن عجـرودة
يشربة ويروح مع غامد ومـع زهرانـى

ابــــــن جـــرشـــان,

من حفر لة حفرة تكسر صـلاب زنـودة
وانت لاجيت الحسـا قلنالـك البحرانـى
انت شايف بالعيون اللى يحـرك عـودة
مير تزعل لا شتمنـا جـدك القحطانـى

الـــثـــبـــيـــتـــى,

ماعلى من اليتيـم اليـا لمسـت خـدودة
الياتاما مالهم غيـر العصـا مـن دانـى
البعير اللى لقيت الشـوك تحـت بـدوده
كيف تصبر تحت نقز الشوك وانت عمانى

ابــــــن جـــرشـــان,

اكثر العربـان مثلـك فالبلـد محسـودة
وانت ظنى لو تموت بدون طـق جنانـى
والبعيـر اللـى تقولـة واردن سامـوده
ماعليـة ولابلـش بمعالـج الحشيـانـى

حبيّب العازمي
أن كان ربي يبا يغنيك فأنت أغتنيـت
ياراعي الهضبه اللي عـوايٍ ذيبهـا
صدام ماعادها من عقب غزو الكويت
ماغار بغداد يصبحها ويمسـي بهـا

مصلح الحارثي
من مال جدك وبوك العازمي ماعطيت
الا فعول الرجال اللـي تثـاري بهـا
صدام ماعاد عنده فالمخازن (فليـت)
يمه نمـور الجبـل مـدة مخاليبهـا












حبيـب
ترى العاقل اللي يعرف النقص والزود
قبل مايعرف الـدار يعرفـه دروبـه
بذلنا على وضح النقاء كـل مجهـود
لكـن انـت لابـدك تلقـي صعوبـه

بن شايق
ترى العاقل اللي ياخذ الحـق بشهـود
ونفسك على الطرقه مهيـب مغصوبـه
ليا صار فالميـدان حـاوي ومـردود
انا اصل العرب واصلي يعرف العروبه

قال مطلق:-
الحريبي ينفض اللحيـة ويطـوي فـي معمـه
طار عقله من شليويـح المطيـري والزلامـي

البعير اللي يشيل الحمـل عـود يرضـع امـه
بعد قالـوا شامـخ النيبـان مـردوم السنامـي



صيـاف:-

الحريبي يوم غنـى حطكـم فـي راس كمـه
ثـم خلاكـم عجينـه كـن مافيكـم عظامـي

الجمل يمشي عل الدرب وكلامـك مـا يهمـه
من هديره قمت من نومـك وحرمـت المنامـي



مطلـق :-

الزمان اللـي ستـر حالـك وحالـي لاتذمـه
والحرم من دونه المسعـى وبيبـان السلامـي

انت داب كل ما حـرك شدوقـه سـال سمـه
والله انا مانـذوق السـم يـا لـداب التهامـي



صيـاف:-

انت ذيـب تكـره البـارود لـو انـك تشمـه
ما تحب النور الابيض ما تحـب الا الظلامـي

الطعام اللي ليا شفتـه علـى صـدرك تضمـه
لا تقول انـه حـلال ولا تقـول انـه حرامـي



مطـلـق:-
علموا صيـاف لايتبـع خفيـف الظـل عمـه
دام انـا ويـاه فالمذهـب وفالطرقـه ليـامـي

قلـه انـا مـا نبااللـي بننـا نـقـال نـمـه
بعد عـود بيعـة بيـن القبايـل مـا يسامـي



صيـاف:-
انت اشوفك كل ما تسرح تضوي لـك مطمـه
تحسد المسلم على دينه ليـا صلـى وصامـي
لا يزعلك الكـلام اللـي عسـى ربـي يتمـه
ثم بـده مستريـح بـلا شـراب ولا طعامـي



مطـلـق:-
كل شي في طريقك يابيـض الشـارب تخمـه
ليـن ضيعـت الفشـق والبندقيـه والحزامـي
ان نثـرت القـش ياصيـاف ماتقـدر تلـمـه
وان قربت من العرب ميسمك جوف النار حامي



صيـاف:-
لو بيتركلك على بـاب الخزينـه رحـت يمـه
وان نظرلك نظرة حمـراء تعديـت النظامـي

المسافر ما يطـب البحـر ليـن انـه يطمـه
يذكر الله في بلـد مكـه ويلبـس لـه حرامـي



مطـلـق:-
انت مانت مستشار ولاانت ريس مجلـس امـه
انت غصن الحنظله مالك زهـور ولا نوامـي

جيت عند الحسو ضامي مير ماللحسـو جمـه
ماخبل اللي يحسب ان الحسو يروي كل ضامي



صيـاف:-
لو يحطوك العرب ريس قضـاء مافيـك ذمـه
يوم تضحك لي بسن ويوم تزعل مـن كلامـي

لاتنزلك الدروب العـوج وانـت بـراس قمـه
ثـم لـو اتمـوت ماقلنـا لعـلـه للرحـامـي



مطـلـق:-
والله انـك تعـرف النقـاش صـواغ الازمـه
هات ياصياف خشمك كان تبغـي لـه زمامـي

ماخبل اللي يرسلونـك يالحريبـي فـي مهمـه
وانت في رجلك سلاسل وانت في راسك خطامي



صيـاف:-
ثوبك الابيـض تغيـر يـوم طولـت الاكمـه
مير ليتك تصبغه بالسـدر وعـروق البشامـي

و انا اقول لك يا لعتيبي

بيض الله وجهك

مشاركة تستحق الاشادة

نقلت من الكلام اقواه واعذبه

لك كل التقدير

بيض الله وجهك

نقلت مقتطفات جميلة بالمبنى والمعنى

لك

خالص التقدير

الف شكر

صح فتل ونقض

كلام فطاحلة الشعر

لك

التقدير

مشكووووووور على المحاوره

الله يعطيك العافية على هذا الطرح الأكثر من رائع

لك خالص التحية

أسعدني وأبهجني ردودكم
وبيض الله وجيهكم

الله يعطيك العافية

فعلا فتل ونقض

بين فطاحلة المحاورات

لك

تقديري

صقر العروبة

جميل جداً موضوعك المميز

ننتظر جديدك

تقبل تحياااااااااااتي


صقر عتيبة