الفكرة بسيطة حدا

حينما يخطر على بالك أبيات

دونها هنا

حتى لو بيت واحد


ملاحظة:

ممنوع الأبيات المنقولة

وممنوع الرد ....فقط أبيات شعر

مثال:


الشعر فن وذوق مبنى ومعنى=مهو سوالف مالهنه معاني

والعمر مهما طال لابد يفنى=ما باقي الا الله مهو بفاني

حاسب النفس قدام الحساب=ما يفيد الندم بعد الفوات

أفضل حسابها وقت الشباب=قبل تجني ذنوب مهلكات

كل ما تفعله سجله الكتاب=حافظ كبارها وصغيرات

جتني تقول أنت السبب في عذابي=قلت:اسمحي لي ويش من ذنب سويت

قالت:أخذت اليوم زهرة شبابي=أخذت حسني ويش للعمر خليت

قلت:العفو ياست خلي عتابي=هذا الزمن سوى الذي منه مليت

طول السنين يعقبن الخرابي=اليوم أشوفك كل ما قمت ونيت

القلب يتبع صاحبه وين ماراح = لو ياصل بلوتو وزحل وعطارد
القلب يرجف كل مابارقه لاح = يرجف سواة الجسم في جو بارد

القلب لا منه تبع ما بغا طاح=القلب يغلب بالجسد كل مارد
القلب درع(ن)بالجسد وايضا سلاح=كذا خلقه الله قانع وجاحد
اما فسد وأفسد ولا عقب إصلاح=والا غدا لله طائع وعابد

لا تنشد عن الحال من بعدك=الحال يصعب على الكافر
ماني بمرتاح من بُعدك=لكن وش باليد أنا صابر
بعد تغير بالزمن عهدك=شوف النتيجة كيف أنا صاير
مدري متى تافي لنا بوعدك=كانك بعد لعهودنا فاكر

حبيبي لا تطول غيبتك ارجوك يالغالي = ترى عمري بدونك شجر شامخ طاحت اغصونه
تعال وشوف حالي ياحياتي يابعد حالي = نحيل الحال سهير اليل وروح القلب مسجونه
سجنها حبك اللي فوق عرش القلب متعالي = اخذ مفتاح سجنه وقفل الابواب من دونه

سجنت القلب ما بين الضلوع العوج=وجوت الحراسه فوق جدرانه وبيبانه
على شأنه على درب الهدى ما يموج=يجنب عن طريق الغي لا يبهره بلوانه

جروح تعنّى مالها من الحزن عاني ..
علوم كايده ذابل ورقها بـ غصونها
الله عالم بضيق حال وضيق المحاني !
والدموع اللي تهّل ماتثقل عيونها ..

ماني من الويل على شط البحر غطاس
سوالف الرجال اللي تجيب العلم والزيني


ماهي من الميل على قد العمر محتاس
مواقف الأجواد اللي تزيل الهم والشيني

يالمسافات البعيدة وياحسرة بالليالي
أشكي من ضيق حالِ ومن تعاليلٍ !

تمضي ركوب الوقت بحمول الجبالي
والونين اللي يبوح بصهيل خيلٍ !

البارح في تالي الليل سجيت = سجيت بالأفكار يسرا ويمنا
ماجنتي الدنيا مثل ماتمنيت = ولا رتاح قلبي في حياته وتهنا
يالله تغفز زلتي كان زليت = وتجعل لنا في جنة الخلد مبنا

الشهر هذا شهر توبة وغفران=عن ماضي الزلات بالله توب
شهر كريم وفيه ترتيل قرآن=أطلب كريم الوجه لله أوب
والعمر مهما طال تاليه نقصان=واما ختم بالخير والا بذنوب

حضورك هز عرش القلب=وقلبي هز أفكاري

فرح مدري غلاك وحب=ماني داري ماني داري

لكن أحسك(ي)أقرب=من أحلامي وأسراي

على شأنك يهون الصعب=بحلي ثم أسفاري

بعد حبك بقلبي شب=حشا ماني بمحتاري

أنا قريت لك بالذنب=يا يا مشعل فيه الناري

جروحي ما لهنه طب=تصورهن أشعاري

الا يارب الا يارب=أناجيك بإستغفاري

هذي بيتين بمناسبة فوز الزعيم


في منتصف شهر رمضان المبارك = فاز الزعيم وعادته دايم الفوز
صار المنازل يشبه أم المعارك= كنه هبايب طيحت شجرة اللوز

الزعيم

شوف وش صار بالبيت الثاني

غاب الذي من بدة الناس مغليه=أنشد عنه لكن ما حي شافه

يفز له قلبي ليا مر طاريه=واللي سواه من المخاليق عافه


لو كنت عارف وين بالعون لأجيه=حتى ولو فيها عليه كلافه


لكن مدري وين والله الأقيه=حسافة ما بعدها من حسافه

رحيق العبير عابر وغيمها همّال ..
وشطء الموج هادي ولابها صوت !
ما كل ماباح من الصمت بينقال ..
أحياناً يبوح الصمت عزفها الموت ..
كثيرة أقوال ماخاضت بالأفعال
وكثيرٍ أفعال بها الوقت مكبوت ..!

البارحه سمعة صوت الربابه = وعلى اللحن غنيت في تالي الليل
من سبت اللي مطول (ن) في غيابه = اقفا وخلاني على جمرة الويل

أدعوا الرحمن بالشهر الكريم=يغفر ذنوب العباد الصائمين

يا كريم الوجه يارب(ن)رحيم=تقبل صيامنا وإنك تعين

خل الضحك على مصلي وصوام=لعل رب العرش يبليك فيها
لا تضحك بمنهو من الوقت منضام=تغدر بك الأيام ثم تلتقيها
واصل قراباتك تواصلك الأرحام=لا تتبع اللي قربته ما يبيها

تدري متـى اذكـرك واهيـم بإحساسـك
رغم ازدحام الأماكن في ضجيج المـلا

لا فـاح عطـري اشـم وربــي أنفـاسـك
واقـول لبيـه لحـضـورك فديـتـك هــلا

ضميـت لسلسبيـل العـذب مـن كاسـك
وأشتقت للهمس يامسك الشعر والغلا

تدري متى أقول يمكن ويمكن=

اليا تذكرت نزواتي ونزواتك=

في حينها القلب ما يسكن=

اليا إختلط لهفي بلهفاتك=

أخاف لا تنجن والا أنا أجن=

ما بين سكراتي وسكراتك=

أنسى أنا من من؟وأنته بن من؟=

ما بين آهاتي وآهاتك=

يا قلب عذر من دروب الشقاوة=منته محصل غير ذل ومهانة
حتى ولو فيها جنون الحلاوة=ما تتفق ياقلب وأيا الرزانة
خلك بعيد عن الشبه بالطراوة=تكسب بها بين الخلائق مكانة
جنب عن الزلات يم العلاوة=تلقى المعزة في دروب الديانة
يا قلب لا تجلب عليه عداوة=ترى الجسد ياقلب عندك أمانة

الاماني غير .. و الـفـــرحه ندم ..... و الجروح أشكال في جسم العليل
والعذاب يهون .. من قولة وهم ..... في زمان الصمت ضيعت الدلــيـــل

سلام مني للرجال اللي لهم مجد(ن) كبير @@@@ اللي ليا يبست ونشف(ن) العروق تبلـها
ربعي عتيبه كلبوهم لاكبير ولا صغــــــــــــير @@@@ زبن الدخيل وسم للعدوان في ماضلـــــها
وأنا ليامني نخيت أنخا من عتيبه بعــــــــير @@@@ اللي ليا كبرة وثقلت فوق ربعه شلـــــها
تكفى يابو خالد ترى الدنياء علينا تستديــر @@@@ والذيب لاجاته معقدة الحبال يحلـــــــــــها
هذي ثلاث سنين والحظ العوج في وسط بير @@@@ حتى مطاليبي مع العالم عجزت أصالـــها
إما يجيها حظها وتقلها جنحان طيــــــــــــــر @@@@ ولاء تعود يــــــم حفرتها تراه أحسلــــــــها

الشاعر :ابن عايض

السلام عليكم ورحمة الله وبركاته

العقل يستر خلة الرجل لازان ********* والثوب يستر كل جسم(ن بجوفه

لو جيت تنشدني عن الحال وتروح
تكفى حبيبي خلْ حالي لحالي

الدرب واضح وبعض الناس صارت تحيد = والله يعلم بعاقلها ومجنونها

ان مت في المعركة قولوا عليه شهيد = بس البلا كان طحت ومت من دونها

مشكور على الفكرة


يا نفس توبي لــعل الله يرضــا بكـ ... لا تنظـــــرين الامــــل والمـــــوت بالبــغتة
والله اني اشوف الموت بك شابكـ ... واشوف شمسي من المغرب كما النبتة

يالله يامـــنزل ســحابن مهاطــيل ............ يارزق(ن) حـــمر النعـم في مفلاه

يالله علـــيك حــــسن التـــواكـيل............ يا واحـــدن مغيره بالكــون ننـصاه

نفسي تراودني على كل مكروه = وأقول يانفسي عليك المشـــــــــــاريه

يالله عسى مايلحق النفس مشروه = أضحك وهمي داخل الصدر مخفيه

الناس وإن سمعو خبر شين زاودوه = كذب (ن) وبهتان(ن) وزور(ن) وتشويه

الشاعر / مبارك طناء الشمري

موضوع جميل ومميز ابيض وجه يابن هليل


من لادعاني عيب يوم اني اجيه= لونه اكثر جود من حاتم الطي
اشره على اللي يعرفون الماريه ولاني من اللي يتبع كل مقفي
ومن لاظهر جوده لضيفه وعانيه= حرام ماتسوى حياته ولاشي

اخوكم/ علي الثبيتي=

سلام ياللي صحبته يانس بها ذيب الفلا=اللي يجر الصوت عالي من خلاه وفي خلاه
سلام ياللي مزهبه بالعرف والطيب امتلا=يوم ان غيره في دروب العرف الطيب مايلقا عشاه
اللي على ماسيس الجدان يبني ويعلا= سلام يا شيخ الحروب من القصيم اليا السراة
ياعابد الدنيا تجارب للبنادم وابتلا=والادمي في دبرة الخلاق ويسير خطاه
واللي جمعنا من ثلاث سنين فرقنا اولا=والحمد لله اجتمعنا وافترقنا في رضاه

اخوكم فواز الثبيتي

يعطيكم العافيه
وصحة السنتكم جميعا

والله ودي أشاركم بس للأسف مانيب شاعر وأعتذر منكم

القلب مشغول و الأفكار مشغوله = والعين سهرات(ن) والروح محزونه
الجسم نحلان والاطراف مشلوله = من يوم ما غاب عني هاطل مزونه


هذي البيتين توها جاتي حينما تكتمل سوف يتم انزالها إن شاء الله

والله أن قـلـبي منـك بالـحيل تعبان
ــــــــ ياللـي جرحـت القلب تكفـين داويه

ياصـاحبي جرعتـنـي هم وحـرمـان
ــــــــ وليل الحزن خليتني غصب أخاويه...

فارس بن سعيد الغامدي

احيا بعزة نفس تأبى المهانة..وارقى بنفسي عن جدال المهابيل
ما كل من تعرف يسي لك مكانة..خلك من اشباه الدمى والتماثيل
اركب حصان الوقت واطلق عنانة..وابقى منارالعلم بين القناديل

بيتين من الشعر اتبعهما ما سبق ليسا على نفس النسق وانما هاجت بي الذكرى واستنهض قريحة شعري عنوان الموضوع الجميل فوددت المشاركة مرتين طالبا" العذر من ادارة المنتدى
جميل الشعر ان تهدي لمن تهواه بيت ازهار=وانا اهديت الحبيب احلا قصيدي واجمل ابياتي
برغم الهجر والغيبة وطول البعد والاسفار= احبه واعتنق حبه ولو حبه معاناتي

بيتين من الشعر اتبعهما ما سبق ليسا على نفس النسق وانما هاجت بي الذكرى واستنهض قريحة شعري عنوان الموضوع الجميل فوددت المشاركة مرتين طالبا" العذر من ادارة المنتدى
جميل الشعر ان تهدي لمن تهواه بيت ازهار=وانا اهديت الحبيب احلا قصيدي واجمل ابياتي
برغم الهجر والغيبة وطول البعد والاسفار= احبه واعتنق حبه ولو حبه معاناتي

لو تامري عالقلب يرخص ويفداك

ولو تامري عالروح جاتك هدية

انت التي في النفس بيتك وماواك

وانت مناة الروح يا اغلى بنية