هذه القصيدة موجة لمشرف الشعر الشعبي والمحاورات

وعساها تعجبه

وبنتظار الرد


يا بن عميش أنا جرى لي جواري=اليوم وأنا واقف بالإشاره
لجت بسمعي مزعجات البواري=من واحد(ن)خلفي مزود عياره
وأنا ياغافل عنه ماكنت داري=أحسبه من ناس يجيهم حراره
أثره من اللي يقدحون الشراري=بين على موكبه موكب أماره
جنبت عنه ومرني مر ضاري=عينه تكادح من نظرها شراره
راكب على موتر شبيه السفاري=طاف المواتر واندرق في غباره
في جنبه الأيمن خوي مباري=شفته ياولد العم خلف الستاره
ماكنه الا بدر بالليل ساري=لو شاهده مفتي يضيع وقاره
عليه من رسم المعزة مواري=وعليه من حسن النضارة نضاره
تكفا ياولد العم هات السواري=وإفزع ودور لين تعرف دياره
تكفا ياولد العم كانك قراري=أخذ الصدارة كان تبا الصداره
وليا لقيته قول يابالثواري=إجهز عليهم غارة بعد غاره
لكن تكفا بريش العين داري=لا تأخذه عند اللقا بذنب غاره
والعلم خله بين بائع وشاري=ترى التجارة ربحها بالشطاره
وإن كان يحداكم ظروف وطواري=لا عاد تتبع للخسارة خساره

صح لسانك بن هليل

ابن عميش يستاهل وان شاء الله تعجبه

ليس غريب عليك هذا الابداع الجميل

القصيده جميله وكلماتها اجمل وتلامس الذوق

تسلم يمناك عالابداع

الله يدوم هالابداع والتميز

لك كل التحايا والسلام

حورية البحر


لا عدمت تواصلك وردك الرائع


لك خالص تحيتي

بن هليل

صح لسانك

قصيده جميله ورائعه

الله يعين ابن عميش على الرد

لك جزيل الشكر والاحترام

البندري


صح بدنك بس الرجال

ما عاد اشوفه لا يكون بيجيب شيء ما نقدره

والا فزع


لك خالص تحيتي

صح لسانك ..

قصيدة رائعة من روائعك ..

وننتظر رد ابن عميش ..


م ــودتي

استاذنا ابن هليل

الله يعطيك العافيه على هذه القصيده الرائعه والجميله لقد اقحمتني

ووضعتني في موقف لا احسد عليه انا لست بشاعر بل متذوق للشعر

وبعد الجهد الكبير كتبت لك هذه الابيات القليله التي لا تليق بمستوى

شاعرنا فالعذر ملموس ولكم التحيه :ــ


مرحبا واهلين ياالشيــــوخ الـــذواري **** ياذرا من زمانه قسى به وجـاره


سلامات ياولدعمي من غزوالحباري**** ابوخد وردي وزايد شويــــه .....


من نظر له ينسى صحيـــح البخاري **** ولا يــدري هو من الترك والابخاره


والله اني ابحث عنه وسط الغــــداري **** راح يم القصيم والاوادي ستــاره


وانشدعنه هو من عتيبه والامطاري **** ودي اعرف مسكنه وين وأي حاره


واستعين برجال الامن والاالطـواري **** واطوق عليه واحاصره هوه وجـــاره


وابشربعزك ياولـــد عمـــي وحذاري **** تزعـــل الغالي ويقفل بـاب العمـاره


العذر والسموحه ان زليت ماني بداري **** والا جاء في بعض المعاني حياره

صح لسانك ..

قصيدة رائعة من روائعك ..

وننتظر رد ابن عميش ..


م ــودتي



صح بدنك


بارك الله فيك لا عدمناك


لك تحيتي

ابن عميش




بيض الله وجهك ما قصرت راعي الكمول

وعلوم غانمة بالاول والتالي

وردك ما يحتاج

الله يعطيك العافية


وصح لسانك وبنانك وعساك على القوة

تقبلي خالص تحيتي

صحت السنتكم

ابداع


يعجز القلم ان يصف ابداعكم المميز

وجهودكم الراائع

وذوقكم الراقي

فانتم أصحاب الابداع



ننتظر بشوق ان تثروا هذا القسم بابداعاتكم



دمتم بخير

صحت السنتكم


على هذا الابداع الرائع


كذا يصبح للشعر رونق مختلف


تابعوا المشوار


ولكم التقدير

الله يعطيك العافة


قصيدة رائعة بمعنى الكلمة


صح لسانك مليون ولا يكفون


لك خالص التحية

صح السانك يا بن هليل

و

صح السانك يا ابن عميش


قصيدة جميلة ورد مميز ما تنبع الا من فطاحلت الشعر


تقبلوووووووو تحياااااااااااااااااااااااااااتي


صقر عتيبة

صحت السنتكم جميعا


صوت وصدى رائع


لا عدمناكم


لكم خالص التحية

صحت السنتكم البادي والراد


تفاعل رائع


وياليت نرى مثل ذلك مستقبلا

بيض الله وجيهكم


ما قصرتم صوت وصدى ولا اروع


سجلو اعجابي

الله الله الله

الله يعطيكم العافيه وبيض الله وجيهكم

شاعراء وليس بغريب عليكم الابداع

وننتظر المزيد من الشعر المرموق

ودمتم بالف خـــــــــــــــــير

عـلـيــه مــــن رســــم الـمـعــزة مــــواري
وعليـه مـن حسـن النضـارة نضـاره

الله الله على هالروعه
صح السانك