على رسلك أنا ماني مجازي بالزهوق زهوق=وناس(ن)مالها حجة أنا ماني مداعيها
يموت من الضما من يارد الماء بدلوه المشقوق=ورجل(ن)ما يعرف الصادره يجي مضويها

ترى بعض البضايع سعرها بريال وسط السوق=ولن كثروا زباينها مدير السوق يغليها
عسى ربي يخلي من عطاك المركز المرموق=ولا ادري من رجاحة عقلها والا انت مرشيها

عوين الصقر مخلابه وقلب ما يجيه عروق=يموت بحسرته والناس رب العرش واليها
لبست الثوب ضافي ما لبست خميلق مفتوق=وراع الفكر يعرف مرها ويعرف حاليها

انا ماذم شخصك مار بشت(ن)لابسه مسروق=دخيلك رجع بشوت المعرفة فوق اهاليها
حسبت انك مصادقني واثرك الحية ام شدوق=لكن اللي وطا روس الحيايا الرقط واطيها

انا ماهمني هرجك ولا امشي مع دروب البوق=وبشتي ورث ابوي اللي لبسته من غواليها
قليل الخاتمه ينكر وغثرب صافي المشروب= لكن اسبق خيولك واركبه ماهمني فيها

الا ياعارف المنطوق كيف تغير المنطوق=علامك ياوسيع العرف تلزمها وتخطيها
بعد شفتك تخبط العلم وتحوق المعاني حوق=وانا ماابغا تذكرني علوم(ن)كنت ناسيها

توقع لانجيب القصه التي تحرق المعلوق= اشوفك مثل من تبحث ولقيتها بقرنيها
الا ياعار فتنا مالكم فيها جمال ونوق= تمجد درب اهلك اللي تعرفه ياملويها