حنا هل الحله رجال ثبيت وافين الفعول= دام البقا من مكرم الضيفان والساري سرا
تبقى العلوم الطيبه بالطيب والعالم تزول= لكن عجل خلص الديان والساري سرا

الجد واحد والقبيله للوفا دايم تنول=ثبيت مرجع ربعنا العتبان والساري سرا
يابن حميد قالوا الطربان يطرب للطبول=وانت بدوي تطرد ورى البران والساري سرا

مايجهل الوافين وفعول الوفا غير الخبول= ثبيت دايم ترجح الميزان والساري سرا
ابن حميد مع دروب الحق مايرضى الميول= والرمح مايطعن بدون سنان والساري سرا

العام يوم(ن) المعارك طاحنه ,, قدرك يجول=واليوم معك الحيه ام لسان والساري سرا
ياصاحبي لاتامن الزيدي ,,حصيله صحن فول=حتى هروجه كان يا ماكان والساري سرى

احذر يزل ابك القدم بعدين ماتلقى قبول= اقولها لك بالفم المليان والساري سرا
المشكله يا صاحبي تبغى من العاقل حلول= من يتبع الجاهل ترى خسران والساري سرا

يابن حميد ما غدابك غير ابو طرف(ن) خجول=ولا انته بلا راضي ولا زعلان والساري سرى