انته مشيت الدرب ليننك تعبت= وان طعتني باعطيك حلتيته ومر
البرق يبرق مار ماحصلت نبت= والليم والليمون نعصرها عصر

افطن لعمرك ماعلى مثلي لعبت= رد الحوايج يالثبيتي فالمصر
ياجاحد النعمه تشوف ولارغبت= فاروق مات ومات صيتك يامصر

ليا بغيت الصدق فالعليا ركبت= سواة ماركبو على سطح القمر
راح الاحد واليوم راح اليوم سبت= لكن مانغق لك الطار الخضر

الظاهر انك لاقريت ولاكتبت= هذا كلام الليل يقفاه الفجر
اشرب حليب الخلف يارجل حلبت= احد عيال بطون واحد من الظهر

انته علامك طبت مدري كيف طبت= واقول تسلم مايجيك اليوم شر
عز الله انك شبت مدري كيف شبت= واسرع بك السواق والموتر دقر

يااللي حسبت حساب انا مثلك حسبت= ترى النظر ياصاحبي حول النظر
الشيب ماهو عيب فااللحيه نبت= والرعد يرعد مار ماشفنا مطر