اقرب تشجع لاتخاف قرايته تطرد رجيم= وتلين الاعصاب والوردان رفرف ياعلم
انا يمام الكل وامشي بالصراط المستقيم= ما اخاطب الورعان والنسوان رفرف ياعلم

الناس تطعن بالكبود وطعنكم تحت البريم=ذيب غبر ويخاتل الرعيان رفرف يا علم
بكره نبا نبلغ صليم بقصة بناخي صليم=تكهن بناخيها عن العربان رفرف يا علم

الطعن هين والبلا فااللي نزل روضة خريم= مع الصفوف يردد القيفان رفرف ياعلم
ماتت نميه مار يابو زيد ماماتت عقيم= جابت شيوخ لحضرة العقلان رفرف ياعلم

الليل توك لا توخر ودنا نسكت بليم=ذي حزة الرحمن والسفطان رفرف ياعلم
لكن لا وصيك خلك ياولد دايم حشيم=إحذر يدينك تنخش الصدعان رفرف يا علم

الجو صافي مادخل ياصاحبي فالجو غيم= لكن حذرا تقرب العلمان رفرف ياعلم
انا ليا جبت الكلام اخش في قلب الصميم= واسرج خيول العز فالميدان رفرف ياعلم