الادمي يخطي ولاهو نقص فالناس الحشام= والعذر مخطي فالندا تاريخنا يشهد لنا
الضاميه حامت ولكن جا على العين العسام= غطى حياض الموردا تاريخنا يشهد لنا

ودك تسوي لك خطأ من ماش يا هذا الغلام=لا تصير دابن أسودا تاريخنا يشهد لنا
يا مخلف الهقوات وشبك لا سنان ولا حسام=خصمي و ودك تشهدا تاريخنا يشعد لنا

فكري معلق بالشيوخ اللي يردون الجهام= والا انت اقيرع وامردا تاريخنا يشهد لنا
القصر واضح مايجي ياصاحبي مثل الخيام= يامرتحلك المبعدا تاريخنا يشهد لنا

ما أنته محصل من وراهم لا فلوس ولا رمام=خلك مع الاقرع قدا تاريخنا يشهد لنا
قامت تراقل بك من الفجعة ضعيفات العظام=ما أنته بلاحق من عدا تاريخنا يشهد لنا