القوافل العربية
صفحة 3 من 4 12 3 4
عرض 40 مشاركات من هذا الموضوع لكل صفحة

القوافل العربية (https://www.alqwafel.com/vb/index.php)
-   قوافل قصائد الأعضاء (https://www.alqwafel.com/vb/forumdisplay.php?f=14)
-   -   نِعم لعتيبة والقبايل بالنزال !!! (https://www.alqwafel.com/vb/showthread.php?t=17767)

سعد حميد الثبيتي 20-01-2012 03:30 PM
رد: نِعم لعتيبة والقبايل بالنزال !!!
 

شاقتني ابيات النشاماوالشعر جاله مجال=والراس يقدح من سطر والنار من شعالها

لكل حادثة حديث وكل موضوع مقال= وبعد استوى الموضوع نعرف دقها وجلالها
ارد على العدالزلال وغير ميراده محال= والبس من جداد الثياب ولا لبست سمالها
لي وقفة (ن)مع طيبين الفال وعيال الخوال= واهل الوفا واجب نكرم بالسمين سبالها
اذن بلال ولاش عذر(ن) بعد مااوحينا بلال= واللي سمع صوت الندا ماله عذر في جالها
يالابتي شدوا على صوت الندا جل الرحال= الله يبارك فالرجال اللي تشد رحالها
لاخير في قصر منيف ولا لناصيه الظلال= ولاخير في يمنى ماتصخي فاللزوم شمالها

ارقوا على روس الجبال النايفات من الطوال= عاداتكم يااهل الوفا ترقى بروس جبالها
لاتذخرون المال والا الجاه بوجوب الرجال= اليوم يوم المعمعه حلالها فتالها

ملك القلوب 20-01-2012 08:27 PM
رد: نِعم لعتيبة والقبايل بالنزال !!!
 
يا سلام عليكم



شعار ما فيكم حيلة


صحت الالسن جميعا


رائع ما دونتم

binhlailبن هليــل 20-01-2012 09:17 PM
رد: نِعم لعتيبة والقبايل بالنزال !!!
 
حياك الله ياراع الصدق من يوم طبيت للمعمعة

استلم قسمك تعقيبي على أبياتك ولا تعلم أحد



راع الصدق وش به يغير للبدال=غير لحون القافيه وبدالها
وأنا من أول خابره راعي جمال=واليوم أشوفه ياعرب يبرا لها
شكله مصلي ركعتين بجنب صال=قرأ بها تبت بعد زلزالها
هذي كبيرة ما تبي طول الجدال=البينة ما تندفع بجدالها
لو كان وقفاته مع العزوة جمال=لكن طاروقه عثى بحلالها
ياأهل المعرفة صاحبي من يوم عال=دعواي طارح للسنع معدالها
الشاعر اللي كان بالمرقاب عال=قامت رحاته تطحن بثفالها
ماهي غشامة مير ينتلها نتال=قلع عروق المثمرة بنتالها
عسى السحائب مقبلة عقب النفال=نسمع رعوده سد عج نفالها
الصاحب اللي خابره طيب خصال=رمى بعضاه بالبحر و أومى لها
الطيبة يازينها فال وعقال=والثانية عسى الولي يغتالها
البندق اللي ثايرة من غير طال=مظروف صفرتها عزق نفالها

أسد العرب 20-01-2012 11:04 PM
رد: نِعم لعتيبة والقبايل بالنزال !!!
 
الله الله



صحت السنكم



ابداع لا هنتم

الشيخ فارس 21-01-2012 08:33 AM
رد: نِعم لعتيبة والقبايل بالنزال !!!
 
اقتباس:
المشاركة الأصلية كتبت بواسطة الشيخ فارس (المشاركة 138856)
شامخ وسامي بسمو بوحك -وتحيه لشخصك الكريم-وتقبل تعقيبي على مجاراتك -وفي اكاديمية ابن هليل موائد فكر وذكر وايناس لكل الناس
-----------------------------------------------------------------------
اوفـيـتـها بالـكـيـل واذكـيـت المـقـال-----واهل العـزاوي ماتفـن اسوالها
الصوت داعي والهـقـاوي ما تـطـال-----لـوالـعــرب باحلـومها تـحـتـالها
كل الدواعي من يـمـيـن ومن شمال-----تـزهـم فـزوع وتـنـتخي باجيالها
ويوم اتوسم في كـريـمـيـن السبـال-----ماودًي اتـكـلـهـا على مـجـدالها
واللا مـخــلــيـهـا على قـولـة مـثـال-----بعـض المثايـل فالمواقـف مالها
والطاري الحسًاس في حسن المقال-----شـجـع مضامـيـني لشد ارحالها
وامـلا عـزوم ن كـنهـا نـقـد الـريال-----والمـعــنــويـه تـنـتـشي بـغـلالها
الحي يحـيي والنـفـوس الها افـتعـال-----يضفي على ضول الانا باظـلالها
والـيا رعـاه الشيخ يغـشـاه اعـتـدال-----يرسم على الهقـوه وسام ابدالها
وانـا بـديـت وصاحـبـك مـاهــو بـذال-----اشلول فـكـره من رزين اخـيـالها
تعديل -واملاعزوم ن كنها نقد الريال

سعد حميد الثبيتي 21-01-2012 03:29 PM
رد: نِعم لعتيبة والقبايل بالنزال !!!
 

ابن هليل داخ من ضرب الملال= جاور حضره واستساغ ملالها
ماعاد يعرف لايمين ولاشمال= يحطها مره وجا مشتالها
القصر راح ولابقي غير الصبال= الله يلطف بالعرب وصبالها
هذي حقيقه قلتها ماهو خيال= ولاني مكلف بالعرب واحوالها
وانا مسيسها على عز وكمال= ولاهمني هرج العرب واقوالها
لكن خطاي اني تعرضت النمال= مالي ومال الاوديه ونمالها

binhlailبن هليــل 21-01-2012 04:31 PM
رد: نِعم لعتيبة والقبايل بالنزال !!!
 
بيض وجهك يا راع الصدق


ياأهل الصناق اللي مناحلها عسال=مير العوارد عاثيه بعسالها
قال المثل يضحك من الهرج الخبال=والناس يكثر بالزمان خبالها
ياللي تصلي بالظهر قبل الزوال=الشمس بين ظلها و زوالها
حطيت رجلك فوق جرفٍ(ن)من هيال=وانهار فوقك من طعوس هيالها
القصر باقي والشوامخ عز وال=يا مغدي الوبلة على وبالها
القصر عامر ما يشابه للدبال=يا مغثي العربان جوف دبالها
بعد تعرضت المحاذف والنبال=اصبر على ما جاك من نبالها
وليا تعبت ابرك على جنب السلال=والحس من أرزاق العرب وسلالها
مالك ومال المقفيات من الرحال=خل البشر تنخى ولا تنخى لها
والا تولم لالها ياليل لال=المخطية لن مرتك يالا لها

سعد حميد الثبيتي 21-01-2012 08:41 PM
رد: نِعم لعتيبة والقبايل بالنزال !!!
 
صح لسان ابن هليل وابشر بالرد ياذيبان

الحر النداوي 21-01-2012 08:56 PM
رد: نِعم لعتيبة والقبايل بالنزال !!!
 
الله الله


صحت الالسن مراد يفوق الوصف

سعد حميد الثبيتي 21-01-2012 11:42 PM
رد: نِعم لعتيبة والقبايل بالنزال !!!
 

دون العسل ياصاحبي لسع النحال= من يقربه يبشر بلسع نحالها
يااهل البيوت اللي تشابه للدحال= ام الكباير تدرج بدحالها
بعض العرب شغموم والاخر زحال= ولايغث الكبد غير زحالها
والحصني الازهر مضرى بالختال= لكن حنا معتبين ادوى لها
الفرق واضح فالحرام وفالحلال= يااللي تعدون السنه وليالها
غررت بالعربان يامال الضلال= تضحك بسن وفالخفا ختالها
وانا ليا عقدت لواليس الحبال= انا لها فتالها حلالــــــــــــــــــها
ماني بمن يرتاع لاشاف المضال= لو تجتمع كل العرب واضوالها
اعرف علوم البدو مرضعة الصخال= بعلومها متأثره بصخالها
ظهرت للرماي ياوبر الصلال= وانته منول مندعس بصلالها
حتى تحدد لك مصيرك والمأل= طلقه تخلي دمها وشالها
ولاكل عود ياابيض الشارب خلال= عود الثمامه مايخل خلالها


الساعة الآن 04:47 AM
صفحة 3 من 4 12 3 4
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w