سعد كفو يوم شاف العج في الجو صاد=واظنه يولع الفتنه وقفالها

زود حطبها مايبغى النار تصبح رماد=يبغى جمال البدو عنده وجمالها

سعد طال عمره كل ما قام فاد=الشاينه كبها والزينه اشتالها
ماهان فوقه يكبك يوم قدح الزناد=أنقذك من نار بقعا عند شعالها

المشكلة جاب معها الي يقص القياد=بعير اجرب جنوب يقطع حبالها

ابشرك بندقي في محزمي والعتاد=وان شفت نار العرب ماقرب لجالها

كان الجمل معجبك اخذه عندك هداد=البل يا صاحبي من حظ وبالها
شعيل ماطيره غير الحلم والقراد=خل الرحا طحنها في داخل ثفالها