القوافل العربية
صفحة 4 من 5 123 4 5
عرض 40 مشاركات من هذا الموضوع لكل صفحة

القوافل العربية (https://www.alqwafel.com/vb/index.php)
-   قوافل قصائد الأعضاء (https://www.alqwafel.com/vb/forumdisplay.php?f=14)
-   -   خلوهــــا : بــدع و رد ..!!!! (https://www.alqwafel.com/vb/showthread.php?t=7937)

متعب الأعنه 12-07-2009 10:21 PM
رد: خلوهــــا : بــدع و رد ..!!!!
 
سلام من متعب عنان الاصايل=ينصى الحجازي في مقره ومرساه
حي الرفيق الي يرد المثايل=بيوت شعر وكل بيت(ن) بمعناه
مرت علي مثل وبل المخايل=وطى مطرها كل ضلع وتغشاه
ماهي غريبه ياعيال الحمايل=الساس ثابت والسعد دوم يبراه

سعد حميد الثبيتي 02-08-2009 03:52 AM
رد: خلوهــــا : بــدع و رد ..!!!!
 
يامرحبا بك من رجال الصمايل= ترحيبة تشدى لدله مسواه
حياك ربي ياكريم الخصايل= كل من الاعضا ينصيك يمناه
حنا ثبيت اهل الحداد الاصايل= نحمى الخوي والضيف ماحد تهمقاه
نعطيه ماجوبه ونرفى الخمايل= ونذبح له الحايل من البل ثمن شاه

ابو عبدالرحمن 26-08-2009 02:43 AM
رد: خلوهــــا : بــدع و رد ..!!!!
 
بسم الله الرحمن الرحيم
اولاً اقدم اعتذاري لجميع اعضاء المنتدى عن عدم تواجدي في الفتره السابقه لي اسباب عده
تتعلق بي ضروف خاصه.
ثانياً: ااقدم اعتذاري للاخ العزيز ابو ماجد بي تاخري على الرد بي مشاركته التي ووجهه لي..
وواقدم مشاركتي الان وارجو انت تحوز على اعجابكم .. وكل عام وانتم باالف خير...

يالله يامنز ل تبارك و ياسين
يامنز القران والمعجزاتي

سبحان رب(ن) كون الارض تكوين
في سبعة الايام براسياتي

جاني خطاب(ن) من عزيز(ن) وغالين
ابو ماجد فرحتي ياغناتي

يامرحبا واهلين عشرت ملايين
ماتكفي العرافربعي عصاتي

أنتم هل الميقاف في العسر واللين
وحنا هل الميقاف اطلب وناتي

نتم على العدوان ناس سلاطين
من دونكم ارخص بقية حياتي

يالله بالي تقسمه دوم راضين
امرن منفذ من جميع الجهاتي

المعذره لي انا فوق شهرين
مقفل الشاشات مافتح بتاتي

وختامها صلو على ناشر الدين
محمد المختار موفي الصلاتي

binhlailبن هليــل 26-08-2009 03:21 AM
رد: خلوهــــا : بــدع و رد ..!!!!
 
أبو عبد الرحمن


صح لسانك وبيض الله وجهك


جزلة من جزل وهذا دليل إعجابي بها


الطارف من القوم يرد بهلين=باللي لفا يقرأ من المنزلاتي
ولا خاب منهو إتبع للنبيين=الله كملهم بحسن الصفاتي
وباق العلوم مغلفه بين الأثنين=جوف الظروف اللي قبل مرسلاتي
ماني مفتشها ولا قايل(ن)وين=لكن برمي مع حصاتك حصاتي
ليا جالكم ميقاف قبل وبعدين=أهل الحمية ما تروح شتاتي
أقل شيء نقول لك عاد نعمين=يا عزوتي يا فزعتي يا غناتي
اللي يقدم زين يجزا من الزين=لأجل حسنه أعطيه كل حسناتي
واليوم صار النور ياذيب نورين=نورك و نور البدر فالعالياتي
وختامها يالله ياربي تعين=من قام لك خاشع وصلى وباتي

الشاكر أبو سامي 18-09-2009 02:22 PM
رد: خلوهــــا : بــدع و رد ..!!!!
 
فكرة رائعة

صحت السنتكم

وكل عام وأنتم بخير

وإن شاء الله

بعد العيد نعيد

مرمر زمانه 08-06-2010 03:08 AM
رد: خلوهــــا : بــدع و رد ..!!!!
 
تقبلوا تحياتي
ويعطيكم العافيه

كيف أنساك 26-02-2011 10:29 PM
رد: خلوهــــا : بــدع و رد ..!!!!
 
صــح لسـان جميــع الشعـار وننظــر أبداعاتكــم القـادمة

والشكر موصول لصـاحب الفكــرة أبن هليــل

منصور الثبيتي 18-07-2011 01:18 AM
رد: خلوهــــا : بــدع و رد ..!!!!
 
نبغا ردك ياشاعرنا القدير...ابن هليل

يابن هليل خاطف الطيب بطيب= ياراعي الطالات في كل حيني
ذيبن طلع ياناس كل المراقيب=ومازال قلبك يالعتيبي حزيني
اخذ من الاجواد طيب وتجاريب=وصارت علامه واضحه بالجبيني
صيتك طلع عند العرب كنك الذيب=لوكان ماجيتك ولنته تجيني
لاكن يبن الناس فوقك مطاليب=في منتدا الشعار جالك حنيني
نبغا معك قافن مرتب بترتيب=لنك مع الاجواد طايل يميني

binhlailبن هليــل 18-07-2011 01:08 PM
رد: خلوهــــا : بــدع و رد ..!!!!
 
صح لسانك يا منصور

بناء على طلبك جاك الرد علما بأن الموضوع مطروح لنعرف من خلاله قدرة الشاعر

على النظم والرد وأنت شاعر ما يحتاج


الطيب ما جبته بضرب المشاعيب=بالفكر والمعقول طول السنيني
وإن كان ما تعرف بعد المشاريب=إنشد يدلونك ركاب وقطيني
ولاني بحاجة مدة من مجانيب=اللي مثل نحلٍ حصره الطنيني
صيتي قديم وصادرة به مكاتيب=ماني بلا حزبي ولاني خميني
وإن كان لك عندي حقوق ومواجيب=يجيك مطلوبك وربك يعيني
السبع لا منه شلع بالمخاليب=يشبع ويشبع جايعات البطيني

طارق العبيدي 31-03-2012 09:27 PM
رد: خلوهــــا : بــدع و رد ..!!!!
 
السلام عليكم ورحمة الله وبركاته اود ان اتقدم بجزيل الشكر لادارة المنتدى لتنوع فقراته وتعددها مجالاته مع تميز ملحوظ يشد المتصفح للمنتدى اليه ويكون الرغبة لديه في الانظمام اليه وصحيح اني عضو جديد الا اني مواضيعكم المتميزة تحتم علي المشاركة وفي هذا الموضوع اشارك بقصيدة بدع للاخ عبدالله التبيتي:

عثمان يا خوي قال العبيدي تعناك
واخترتك انته في قصيدي ونظمي
لا عاش من يكرهك او من تعداك
ايش يعني الشعر لك يا ابن عمي
ومن هو صديقك اذا الوقت جافاك


الساعة الآن 05:42 AM
صفحة 4 من 5 123 4 5
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w