الشاعر اللي ليا لالت صفوف اللعب لا لى=نادوه والليل توه بأوله والله يحييه
وأنا معه بالحلال ولا نبا غير الحلالا=وإن دارها في علوم ثانيه ماني مخاويه

بعد الرساله لفت ياصاحبي مااقول لا لا= الجرح يبرى ليامنه لقي مشرط مداويه
مافيه اجابه تجيك الا بعد طرح السوالا=واللي يلف العلوم اقول رب البيت يعميه

بعد قريت الرسالة سبحوا لله تعالى=والكيه أخر دوا والمبتلا مولاك يشفيه
بغيت أشد الحمول ولا لقيت الها جمالا=والحشو قامت تراغا صوتها بالأذن توحيه

بعدقريت الرساله جيت بالعلم العدالا= واللي يجيب الخبر ياصاحبي بكره يوديه
ماانته صحابي ولا انته مذن(ن) صنعت بلالا= ومن لايعرف الصقر ياصاحبي فالنار يشويه

الله يحييك وإشرب بن من صفر الدلالا=والا الخبر ضاع ماني لاقي(ن) عالم بتشريه
والمسجد الي تغير قبلته شرق وشمالا=الفرض في مسجد(ن)مثله ترا ماني مصليه

الك البقا وانت ماقصرت عمرت الحلالا= واللي يبا الكيف يلقى الكيف والم في مقاهيه
هذا زمن شيب العاقل وغير كل حالا= ابعد عنه وانطح اللي عان ميقاعه يواليه