يالله دخيلك من دروب الغوايه=يا رب تجعل كل صعب(ن)ميسر
من لا هداه الله ماله هدايه=كل ما سلك طريق فوقه تعسر
اللي يبي يفرض على الناس رايه=حتى ولو إنه عوج ما يقدر
ترى الوسيلة ما تبرر لغايه=بعض الفعايل يا فتى ما تبرر
والا بعضها كنها بالمرايه=ماهي بحاجة عذر حتى تعذر
إن كان ما تملك علوم ودرايه=والا منحك الله صبر وتصبر
جنب عن اللي يتعبك بالبدايه=خلك حريص ومن زمانك تحذر
لا تنتظر حتى تجيك النهايه=اللي تضيق خاطرك ثم تكدر
الناس ما تتبع هواك وهوايه=كل(ن)ءله في دنيته ما تخير
بعض البشر العند عنده هوايه=طبيعة(ن)متمكنه ما تغير
يصنع من الأوهام أكبر حكايه=لو تتبعه تلقاه ماش وتبخر
لو قلت له خلاص هذا كفايه=صرت العدو اللي بعد ما تصور
أما تجي بكيفه وتمشي برايه=والا غدا عاتي مثل ريح صرصر

المشاركة الأصلية كتبت بواسطة ابن عميش (المشاركة 58678) ابن هليل الله يعطيك الف عافيه على هذه القصيده الرائعه والمفيده ماشاء الله تبارك الله.حكم درر.لك الشكر الجزيل على ذلك ولك مني اجمل تحيه وتقدير

مشكور الله يعطيك العافية


لك تحيتي

صح بدنك ومشكور على الرد


لك


تحيتي