عد السحائب بها رعد وبراقي=والناس يا ضيف ماتنسى سوايرها
يا مرحبا ياهلا ترحيبنا راقي=على الشحم والدلال إلكم مبهرها
الصدر بضيوفنا في يوم ما ضاقي=تلقا علوم الوفا كانك تدورها
أنا ترا عارف دربي وممراقي=نفتح لك أبواب وأبواب نسكرها
الرس لا تسلمه لكل حلاقي=قود المعاني وحذرا لا تبعثرها
يا شاعر الشعر ماهو طاق طرباقي=القافية ليش يا شاعر تغيرها
ماكل من طب للميدان سباقي=ولاكل من ينطق الكلمة يفسرها
إحذر تعرض جيوبك كل سراقي=ترى السوالف ليا دارت دوايرها
أخاف ترجع ورى وتكون فهاقي=والا على قولهم أخشى تمرمرها
ترى المعاني بعضها صعب ينطاقي=هذي تراحيب من فكري محررها

الشمس تبدي لى من عنده رواقي=وأنا حصوني مجودها وساترها
والزاد بعضه لذيذ وبعضه حراقي=وتري المسولة من اللي يدبرها
واللي يسوق الركايب كيف ينساقي=والنار ما تحرق الا رجل جامرها
وترا الثعابين فيها شيء زراقي=كم واحد(ن)ودته يومه تحاقرها