ياهبوب الشوق مري بالقطيف=سلمي لي فوق ملهوف الحشا
بلغيه بلهف ملهوف المصيف=وذكريه بحب بالخافق نشا
وإن نشدك كيف حاله كيف كيف=قولي المسكين يصحي ويغشا
ماش سيرة في حياته يالطيف=غير ذكرك لن قعد والا مشا
العقل تعبان والهيكل نحيف=والعيون من السهر ما ترمشا
ما بقا له بالعرب غيرك وليف=يمرهم ما كنه الا أعمشا
يشكي الأحوال من بعد مخيف=والزمن غدار قام وكلبشا
الربيع أقفا وجا بعده خريف=صارت الأشجار قش يقشقشا
وجه الدعوة بلطف(ن)ياظريف=لاأحد يدري في سموعه وشوشا
قلها يامرحبا لن حل ضيف=الدروب مبرشه ومفرشا
لا تخبر لا سليم ولا كفيف=كل سر يشين لامنه فشا
ثم عود يا هوا يمي نكيف=هات لي مردودها لا تبلشا
عل عيني تهتني عقب الرفيف=نقهر العذال ونكيد الوشا
الهوى بقلوبنا حب عفيف=ما تكدره الدلي والا رشا
النظيف يعيش ويودع نظيف=ما نقش غيره ولا أحد ينقشا
ذا كلام صرفه شاعر عريف=طوع القيفان منها ما خشا
من بنات الفكر ماهي من رصيف=ما شراها بالثمن و مغششا
يا هبوب الشرق مري بالقطيف=ثم هاتي رد ملهوف الحشا

الله يسلم عمرك


من ذوقك الراقي


سعدت بهذا الرد العذب


والعبارات الورية


لا عدمتك


لك خالص الود

الذوق والطيب والابداع منك وفيك


تجملت الابيات بردك وعذوبة منطقك


صح بدنك


لا عدمت تواجدك المميز وحضورك المشرق


لك خالص الود