ياللي سكنت القلب والعقل والروح=سرقتني من عالمي بالغلا سرق
القاك جوف السر والصمت والبوح=والقاك معنى شعر في قاسي الطرق
والقاك همسة عشق في كل مسوح=والقاك جمرة شوق تحرق بنا حرق
والقاك غيمة حلم بالضحك والنوح=والقاك مزنة غيث في خدها برق
والقاك بلسم جرح لن كنت مجروح=والقاك طعنة تقطع النبض والعرق
والقاك مكسب عمر في كل مصلوح=والقاك شمس العمر مطلاعك الشرق
بالمختصر أنتِ(ي)قدر صار باللوح=مالي مناصٍ(ن)منه يامشبه الورق
أنت الوحيد اللي له الدم بيفوح=وأظن مابه بيننا بالهوى فرق
عدت سنين وخافقي فيك مطروح=مقدر على بعدك وضوحٍ(ن)ولا درق
لو كان حظي معك ساعات مسدوح=خلا جباه أحلامنا يا غلا زرق
ياللي سكنت القلب والعقل والروح=سرقتني من عالمي بالغلا سرق