برقً سناه بظلمة الليل لماع = يكشف ظلام الــــــــحي عن ساكنـــــينه
ذكرني بزين النباء حسن الاطباع =اللي عليـــــــه القلب زائد حــــنيــنه
انا اشهد ان شوفته للــروح مرباع = تضفي على قلبي هدو وســــــكينه
ماني بسالي عنه في كل الاوضاع = مــــــن استثار القـــلب بين كنينـه
يبين حبً جوهره منبـــــــع اشاع = نـــــــــورً تلالا بالقلوب الامــيــنه
حبً بري من المصالح والاطماع = يبقى على طول الدهر حافضيــنه
يسقى وينمو سر مابين الاضلاع = مـــــنبت جذوره في حشايه دفينــه
لو الحبيب بعيد والبعد قطــــــاع = وطول الــــمسافه حال بيني وبينـه
اتحدني مـن دونه اجبال وارواع = قبل اصل الحارس وسور المدينــه
روح مراحً ما اعتـقد منه مرجاع = ولا عاد عيني ظني اتشوف عينه
من حبي اله استخدم اسلوب الاقناع =واكذب على قلبً وروحً حزينه
اقول يالروح الذي فاتك وضـــاع = يمكن بعــــــون الله غداً تدركينه
بكره يجي في مركبً فوقه شراع = والبور مافيــــــها بحور وسفينه
اوهمت قلبً من عنا الهجر ملتاع = ويصدق عـــــلومي عسى يعينه
يطرد سراب اللال في جرهد القاع = ويصارع ايام العــذاب وسنينه
يرجو لقــــاء منهــو بشوفتـه طماع = من بعد ما اقنعته بكذبه مبينـه
مافيه امـــل مفتوح بابه ليا الساع = وجنود ياسي من عصر مغلقينه
لكن اخفف من مصابي والاوجاع = واضفي على قلبي هدو وسكينه

المشاركة الأصلية كتبت بواسطة البدوي (المشاركة 141949) الله الله ابداع يا عثمان صح لسانك مليون