يا رفاق السنين القلب فيه إنشقاق=ضعت ما بين مطلوبه ولي مطلبي
أحسن العمر ولى وأخذ عز الرفاق=سود الأيام فوق اللي تبي تغصبي
حملتني همومٍ(ن)حملها ما يطاق=هدت الحيل مني وزاد تعبي
أعذروني تراني ما بغيت الفراق=مير الأيام حدتني على ما تبي
الزمن فيه حلو وفيه مر المذاق=ما يجي حسب كيف الشخص لو هو نبي
الزمن والأماني تعيش بسباق=والموكد زمان الشخص بيغلبي
سنة الله بخلقه فراق وعناق=ما تدوم الليالي حلا تعجبي
هكذا حال كل الناس مثل البراق=ينطلق صوب حتفه عدي ويحبي
بين وصل وقطيعة ولم وشقاق=الليالي تدور بخسر مع مكسبي
لو بيني وبين الوقت منهج وفاق=كان ما حرق دمي و شاخ عصبي
مير الأعمار تمضي بدون اتفاق=والأماني خيول أحلامنا تشعبي
يا رفاق السنين القلب فيه إنشقاق=ضعت ما بين مطلوبه ولي مطلبي